Gewilde Bybelverse vanaf SPREUKE 13

Deel

Hy wat met wyse mense meng, verkry self ook wysheid. Meng jou met dwase en jy word self soos hulle.

Iemand wat op sy woorde let, bewaar sy lewe. ’n Eindelose gepratery kan alles ruïneer.

Hy wat sy seun nie dissipline leer nie, het hom nie regtig lief nie. As hy hom liefhet, sal hy hom dissiplineer.

Verwagtings wat nie realiseer nie, lei tot mismoedigheid. ’n Begeerte wat vervul word, is soos ’n boom wat lewe gee.

Geregtigheid bewaar dié wat onberispelik lewe. Goddeloosheid vernietig die sondaar.

Rykdom wat maklik kom, verdwyn net so maklik. Wie bietjie vir bietjie bymekaarmaak, het naderhand baie.

Selfvoldaanheid lei altyd tot rusies. Hulle wat na ander luister, het wysheid.

’n Goeie mens laat iets na vir kleinkinders. ’n Sondaar se besittings beland by die regverdiges.

’n Wyse seun laat sy pa toe om hom reg te help. Een wat met alles spot, steur hom nie eens aan dreigemente nie.

Hy wat hom nie wil laat reghelp nie, beland in armoede en vernedering. Hy wat ’n teregwysing ter harte neem, ontvang eer.