Paglalakbay Tungo sa SabsabanHalimbawa

Pag-ibig na Walang Hanggan

Ang ating kasalukuyang mundo ay hindi naiiba sa panahon na isinilang si Jesus. Ang mga kaguluhang pampulitikal, digmaan, pang-aapi, at dalamhati ay araw-araw na realidad—tulad din ngayon. Ang bayan ng Diyos sa Kanyang panahon ay naghahanap ng gayon ding mga bagay tulad ng ating inaasam ngayon: kapayapaan, pag-ibig, katiwasayan, at diwa ng layunin.

Si Jesus ay pumarito upang ihayag ang Kanyang sarili bilang daan para maranasan ng puso ng tao ang tunay na kapayapaan, kasiyahan ng loob, at pag-ibig na tumatagal magpakailanman. Alam ng sinuman na nabuhay lamang para sa makamundong kasiyahan na ang kahulugan ng kabuhayan ay palaging panandalian lamang. Kahit na ang pinaka kahanga-hangang karanasan ng pag-ibig mula sa tao ay hindi magagawang tunay na punan ang panloob na kakulangan.

Ang nakasisiya sa kaluluwa at walang pasubaling pag-ibig na ipinakita ni Jesus sa Kanyang pagparito ay sa atin na kapag tinanggap natin Siya at ang Kanyang walang bayad na kaloob.. At sa Kanyang pag-ibig, sa wakas ay matatagpuan ang dati na nating hinahanap.

Gawain: Tingnan ang mga ilaw ng Pasko sa paligid ng iyong lugar kasama ang iyong pamilya.