Ngayong Pasko Huwag Sumuko, Tumingin sa ItaasHalimbawa

Ang Iyong Malumanay Ngunit Makapangyarihang Tagapagligtas

Alam mo ba na libu-libong taon bago ka isinilang, alam ng Diyos kung ano ang kailangan mo?

Alam ng Diyos na kailangan mo ng karagdagang lakas para hindi ka sumuko.

Alam ng Diyos na kailangan mo ng isang Tagapagligtas na napakalaki kaya hindi siya kayang hawakan ng buong kalawakan.

Alam ng Diyos na kailangan mo ng isang Tagapagligtas na sobrang malumanay at nagmamalasakit na sa kanya ka babaling sa mga oras ng sakit at pagdurusa.

Mga siglo bago isilang si Jesus, ipinahayag ni propeta Isaias na ipapadala ng Diyos ang kaniyang Anak sa Lupa. Iyon ay 700 taon bago ang pinakaunang Pasko.

Sinabi niya sa atin na ang Tagapagligtas ay magiging makapangyarihan at personal—at siya ay sapat na malakas upang iligtas tayo, ngunit magiliw at mapagmahal din.

Ang pinaka-kahanga-hanga, sinasabi sa atin ng Diyos na si Jesus ay magkakaroon ng personal na kaugnayan sa atin.

Ito ay isang kamangha-manghang hula.

Sinasabi sa atin ng Diyos ito sa Isaias 40:

“Sumigaw ng mas malakas—huwag matakot—sabihin mo sa mga lungsod ng Juda, ‘Ang iyong Diyos ay darating!’ Oo, ang Panginoong Diyos ay darating na may dakilang kapangyarihan; siya ay maghahari na may kahanga-hangang lakas... Papakainin niya ang kanyang kawan na parang pastol; dadalhin niya ang mga tupa sa kanyang mga bisig at dahan-dahang aakayin ang mga tupa kasama ang mga anak” (Isaiah 40:9-11 TLB).

Muli, hindi lamang hinulaan ni Isaias ang kahinahunan ni Jesus kundi pati na rin ang kanyang napakalaking kapangyarihan.

“Narito, ang mga bansa ay parang patak sa isang timba; sila ay itinuturing na butil ng alikabok sa sukat; Kanyang itinataas ang mga isla na parang pinong alikabok” (Isaias 40:15).

Pagkatapos ay naging personal si Isaias, at inilapat niya ang pagdating ni Jesus sa ating buhay ngayon.

“Tumingin kayo sa langit: Sino kaya ang lumikha sa mga bituing iyon? Ang Dios ang lumikha niyan. Inilabas niya isa-isa ang mga iyon habang tinatawag niya ang kanilang pangalan. At dahil sa kanyang kapangyarihan, ni isa man ay walang nawala.. . . . hindi mo ba alam? Hindi mo ba narinig? Ang Panginoon ay ang walang hanggang Diyos, ang Lumikha ng mga dulo ng mundo. Hindi siya napapagod o mapapagod, at walang nakakaarok ng kanyang isip. Pinalalakas niya ang mga nanghihina at ang mga napapagod” (Isaias 40:26, 28-29 RTPV05).

Hindi ko alam kung anong mga problema ang kinakaharap mo ngayong Pasko. Hindi ko alam kung anong mga pasanin ang dinadala mo. Hindi ko alam kung anong kalungkutan, takot, pagkabalisa, o pagkalito ang maaaring nararamdaman mo ngayon, ngunit alam ko ito:

Ang iyong Tagapaglikha ay narito para sa iyo—na may kapangyarihan ng tsunami at may kahinahunan ng isang sanggol, na isinilang sa sabsaban mahigit 2,000 taon na ang nakararaan.

Pag-usapan

• Isipin ang isang problemang kinaharap mo sa iyong buhay na nangangailangan ng kapangyarihan ng Diyos. Paano ka naging malapit sa kanya sa karanasang iyon?
• Paano naging mahalaga sa iyo ang pag-unawa sa kahinahunan ng Diyos sa panahon ng problema?
• Ano ang pakiramdam ng mapagtanto mo na alam ng Diyos ang iyong mga pangangailangan bago ka pa ipinanganak at nagplanong ipadala si Jesus upang tugunan ang mga ito?