Parenting by Design na Pang-Araw-Araw na GabayHalimbawa

ANG MAS MADALING LANDAS

Si Adonias ay isang makisig at pinalayaw na anak ni David. Bunga ng maalwan na pagpapalaki sa kanya at sa katotohanang siya ang pinakapanganay na lalaking anak na nabubuhay, naramdaman niyang mas nararapat sa kanya ang trono ng Israel kaysa sa kapatid niyang si Solomon. Isang mahalagang bahagi sa pagbuo ng mapagmataas at makasariling pagkatao ni Adonias ay ang katotohanang bigo ang kanyang amang si David na papanagutin siya sa kanyang mga ginawa. Ang bunga? Pinamunuan ni Adonias ang isang paghihimagsik laban sa kanyang ama at pinagbayaran niya ito ng kanyang buhay.

Kailangan ng mga anak ng disiplinang may pagmamahal upang matutunan nila ang mga maka-Diyos na pagpapahalaga at karunungan. Ang kabiguang maipatupad ang mga kaparusahan ay nagpapalawig at nagpapalala ng mga makasalanang saloobin. Tulungang mahubog sa iyong mga anak ang integridad at mabuting pagkatao sa pamamagitan ng paglalaan ng panahon at lakas upang isakatuparan ang pagdidisiplina kapag kinakailangan.

Isa sa mga pinakamapagmahal na bagay na maaari nating gawin para sa ating mga anak ay ang papanagutin sila sa pamamagitan ng disiplina.