Parenting by Design na Pang-Araw-Araw na GabayHalimbawa

ESPIRITUWAL NA KALAMNAN

Ang pagsali sa mga laro ay nakakapagbigay ng mahalagang mga aral. Ang paghihintay na magantimpalaan, pagpipigil sa sarili, at disiplina sa sarili ay ilan lamang sa mga ito. Ngunit isipin mo na lamang kung ipaparis ng mga magulang ang pagsusumikap nilang sanayin ang kanilang mga anak na maging maka-Diyos sa pagsusumikap nilang sanayin sila na manguna sa paglalaro? Ano kaya ang makikita natin?

Ang Salita ba ng Diyos ay sinkapana-panabik para sa iyong anak ng pagpalo ng homerun o ng maka-shoot ng bola? Maliban na ikaw ay may tunay na pagmamahal sa katotohanan ng Diyos, mahihirapan kang ipasa ito sa iyong mga anak. Ang karangalan sa palaruan ay panandalian lamang, ngunit ang kapakinabangan ng pagiging maka-Diyos ay panghabambuhay. Ipakita sa iyong mga anak kung ano ang matimbang sa iyong puso sa pamamagitan ng pagkukuwento tungkol sa katapatan ng Diyos, pangunguna sa pananalangin ng pamilya, paggamit ng mga malikhaing pamamaraan ng pagtuturo ng Biblia, at higit sa lahat, sa pagbibigay sa kanila ng maka-Diyos na halimbawa.

Magtakda ng regular na espirituwal na ehersisyo sa iyong pamilya.