Parenting by Design na Pang-Araw-Araw na GabayHalimbawa

MUMURAHING PAMALIT

Pagkatapos ng kamatayan ni Solomon, ang kaharian ng Israel ay nahati. Si Jeroboam ang naging hari ng Kaharian sa Hilaga at si Rehoboam ang naging hari ng Kaharian sa Katimugan. Noong panahon iyon. ng mga kalalakihang Hudyo ay kinakailangang maglakbay patungo sa templo sa Jerusalem tatlong beses sa isang taon, ngunit natatakot si Jeroboam na ang palagiang paglalakbay na ito patungo sa Kaharian sa Katimugan ay pahihinain ang kanyang kapangyarihan. Nagpasiya siyang magtayo ng kanyang sariling panambahan sa Dan at sa Bethel at nagluklok ng isang gintong bisiro sa bawat lugar. Sapagkat mas madali ito, ang mga tao ay pumayag na ipagpalit ang tunay na pagsamba para sa ipinalit na relihiyon ni Jeroboam.

Huwag mong isakripisyo ang pinakamabuti ng Diyos para sa mumurahing pamalit dito. Kung minsan, hinahabol natin ang mga bagay sa mundong ito para sa sarili natin at para sa ating mga anak sa kaisipang ito ay makalulugod sa atin nang higit kaysa sa Dios. Ang isang personal na relasyon sa Dios ay maaaring gumugol ng panahon, kasigasigan, at pakikipag-ugnayan sa Salita. Kapag ikaw ay natutuksong pabilisin ang proseso, lagi mong tandaan na hindi pinalago ng Diyos ang puno ng ensina sa magdamagan lamang.

Ang buhay ay matatagpuan kay Jesucristo, walang pamalit dito!