Parenting by Design na Pang-Araw-Araw na GabayHalimbawa

KOMPROMISO

Ang mga Israelita ay nagtayo ng mga pintuan at mga pader sa paligid ng kanilang lunsod bilang proteksyon. Sinalakay ng mga Asiryan ang mga pader na ito sa pamamagitan ng mahahabang tikin na pinatulis ang dulo sa pamamagitan ng pait. Ginamit nila itong parang palito, na unti-unting nginangatngat ang malilit na bato sa pader. Bagaman ito ay hindi nakakatakot na sandata, ito ay mabisa paglipas ng panahon sapagkat gumuho ang buong pader kalaunan. Kakatwa namang ito rin ang naging paraan kung paanong gumuho ang Nineveh na isang kahanga-hangang lungsod ng Assyria, sa pamamagitan ng pagtatanggal ng mga ladrilyo sa mga pader, isa-isa, hanggang ito ay gumuho!

Sa kaparehong paraan, ang maliliit na pakikipagkasundong ginagawa natin sa ating buhay ay maaaring hindi nakakasama sa simula, subalit ang bawat isa rito ay nagiging sanhi upang mawala ang balangkas ng ating karangalan. Ito ay maaaring sa pamamagitan ng paggawa ng dahilan kung bakit nahuli sa pagpasok sa paaralan ang ating mga anak, o sa pagpapalit sa mga bagay na naiwala nila sa halip na papanagutin mo sila sa mga ito. Maaaring ito ay ang pagpapahintulot sa iyong anak na wala pa sa legal na edad na uminom ng serbesa sa bahay dahil iniisip nating mas hindi niya gagawing uminom at magmaneho. Sa paglipas ng panahon, maaaring matagpuan nating lumayo na tayo mula sa katotohanan ng Ebanghelyo at sa banal na halimbawa ng Diyos kung saan tayo ay tinawag.

Huwag mong hayaang parupukin ng mga kompromiso ang iyong karangalan.