Parenting by Design na Pang-Araw-Araw na GabayHalimbawa

PAMUMUNO SA ILALIM NG HIRAP

Ang mga dakilang lider ng pamilya ay may kalakasan sa kanilang loob at pananampalataya para sila ay maging matiisin at panatag. Si Jose ay ganoong klase ng lider. Sa tatlong magkakahiwalay na pagkakataon, sinunod niya ang bilin ng anghel ng Panginoon kahit na ang kanyang pagsunod ay nagdulot ng malaking dagok sa personal at pinansyal. Sa harap ng nakakatakot na mga pangyayari, ang mga pagkilos ni Jose ay tila hindi dulot ng pagkataranta at takot. Sa halip, dinala niya ang kanyang sarili sa paraang nagpapakita ng kanyang malalim at matibay na pananampalataya sa Dios. Kapag tayo ay may pananampalataya sa Dios, ang mga pangyayari ay hindi na magdidikta sa ating kapayapaan at kaluguran. Kaya nating maging matiisin at maghintay sa oras ng Dios sa halip na ipilit ang ating sariling kagustuhan.

Kung kadalasang nakikita mo ang sarili mo na nagagapi at natatakot sa iyong pag-akay sa iyong pamilya, isipin mo kung saan mo inilalagay ang iyong tiwala. Iilan lang sa atin ang susubukin na sumunod sa dramatikong paraan gaya ni Jose, subalit maaari nating hayaan ang halimbawang ito na puno ng pananampalataya na pasiglahin tayo upang akayin natin ang ating mga pamilya nang may kapanatagan at pananampalataya.

Hayaan mo na ang iyong pananampalataya ang magbigay sa iyo ng lakas na hahayaan kang mamuno na may pagtitiis at kapanatagan.