Parenting by Design na Pang-Araw-Araw na GabayHalimbawa

PAGBIBIGAY KALUGURAN SA IBANG TAO

Nakatanggap ng paghanga si Jesus habang narito pa siya sa mundo, ngunit naging tampulan din Siya ng panlalait. Pagkatapos na Siya ay purihin sa rehiyon ng Galilea, kapansin-pansin ang ginawang pagtanggi sa Kanya sa sariling bayan Niya na Nazaret.

Ang mga tao ay pabago-bago ng isipan. Gaano man katindi ang ating pagsisikap, hindi natin kayang bigyang kaluguran ang lahat ng tao sa lahat ng oras. Kasama na rito ang ating mga anak. Maraming mga magulang ang natatakot sa galit ng kanilang mga anak at, sa kanilang kagustuhang pasayahin ang mga ito, maaari silang magparaya pagdating sa mga hangganan at mga kahihinatnan ng kanilang mga ginagawa. Subalit bihira itong humahantong sa paggalang o sa paghangang kanilang inaasam. Sa halip, nakakatanggap sila ng mas mariin na galit at panunumbat ng kanilang mga karapatan.

Hinihingi ng Diyos na ituon natin ang ating mga mata sa Kanya sa pamamagitan ng pagiging tapat sa ipinapagawa Niya sa atin. Ang pinakamabisang paraan upang pasayahin ang ating mga anak ay ang pasayahin ang Diyos.