Parenting by Design na Pang-Araw-Araw na GabayHalimbawa

PAGGALANG SA AWTORIDAD

Bagaman at hindi tayo laging sumasang-ayon sa mga awtoridad, sinasabi ng Diyos sa atin na inilagay Niya ang mga ito sa kanilang posisyon. Dahil dito, karapat-dapat sila sa ating paggalang at ang pagsuway natin sa mga may awtoridad ay nagiging pagsuway sa Diyos na Siyang nagtatag sa kanila. Maaaring hindi kanais-nais para sa atin ang isang pinuno, ngunit hindi ito nagbibigay sa atin ng pahintulot na sumuway o magrebelde (maliban na lang kung tayo ay inuutusang gumawa ng isang bagay na taliwas sa nakasulat sa Bibliya).

Isa sa mga pinakamabuting paraan upang mahikayat natin ang ating mga anak na sumunod sa mga awtoridad sa kanilang buhay ay ang magpakita sa kanila ng halimbawa ng pagpapasakop sa mga awtoridad sa ating sariling buhay. Kapag ipinapakita natin ang ating paggalang sa pulis na nagpahinto sa atin upang tumabi tayo, o kaya naman ay sa politikong nakikita natin sa TV o ang pastor na nangangaral ng isang nakakaantok na sermon, ipinapakita natin ang pagpapasakop na katulad kay Cristo para sa mga awtoridad na inilagay ng Diyos sa atin.

Ipakita mo sa iyong mga anak kung paanong gumalang sa mga awtoridad sa pamamagitan ng pagiging magalang at pagpapasakop sa mga namumuno sa iyo.