Kunin ang AppMga Debosyon para sa Mahal na Araw mula sa Holy Bible: MosaicHalimbawa
Cesar Chavez (USA, 1927-1993)
Ipakita Mo ang pagdurusa ng pinakasawing-palad;
Upang malaman ko ang kalagayan ng aking bayan.
Palayain Mo ako upang maipanalangin ko ang ibang tao; Sapagkat naroon ka sa bawat tao.
Tulungan Mo akong magkaroon ng pananagutan para sa sarili kong buhay;
Upang sa wakas ako ay maging malaya.
Pagkalooban Mo ako ng katapatan at pagtitiyaga;
Upang magawa kong makapagtrabaho kasama ang ibang mga manggagawa.
Umawit tayo at magdiwang;
Upang ang Banal na Espiritu ay manahan kasama natin.
Hayaan nating ang Espiritu ay managana at lumago;
Upang hindi tayo kailanman mapagal sa ating pagpupunyagi.
Lagi nating alalahanin yaong mga namatay para sa katarungan;
Sapagkat nagbuwis sila ng buhay para sa atin.
Tulungan Mo kaming mahalin maging yaong mga namumuhi sa amin;
Upang makapagdala kami ng pagbabago sa mundo.
Amen.
Banal na Kasulatan
Tungkol sa Gabay na ito
Ang pang-46 araw na debosyonal na ito para sa panahon ng Kuwaresma, na mula sa Holy Bible: Mosaic, ay naglalaman ng mga kataga, babasahin, at Banal na Kasulatan na tutulong sa iyong ipako ang iyong isipan kay Cristo. Nakatitiyak ka man o hindi kung ano ang ibig sabihin ng panahon ng Kuwaresma, o nakagawian mo nang sundan ito at ang iba pang mga pagdiriwang sa kalendaryo ng simbahan, mapahahalagahan mo ang mga babasahin mula sa Banal na Kasulatan at mga pananaw na ibinahagi ng mga Cristiano mula sa iba't ibang dako ng mundo at sa buong kasaysayan. Samahan ninyo kami at ang iglesia sa buong mundo na ituon ang ating mga sarili kay Jesus sa mga darating na linggo hanggang sa pagdiriwang ng Linggo ng Pagkabuhay.
More
Nais naming pasalamatan ang Tyndale House Publishers sa kanilang pagbabahagi ng Mga Debosyon para sa Mahal na Araw mula sa Holy Bible: Mosaic. Para sa karagdagang kaalaman tungkol sa Holy Bible: Mosaic, bisitahin ang: www.tyndale.com/p/holy-bible-mosaic-nlt/9781414322056
Mga Kaugnay na Gabay
Oswald Chambers: Kapayapaan - Buhay sa Espiritu
Isang Salita na Magbabago sa Iyong Buhay
Adbiyento: Ang Paglalakbay Tungo sa Pasko
Paglilinis ng Kaluluwa
Paglalakbay Tungo sa Sabsaban
Aking Kasukdulan Para Sa Kanyang Kadakilaan (My Utmost For His Highest)
Pag-alala sa Lahat ng Ginawa ng Diyos
Ang Apat Na Tula
Pinili, Pinatawad, Pinalaya
