Mga Debosyon para sa Mahal na Araw mula sa Holy Bible: MosaicHalimbawa

Pandita Ramabai (India, 1858-1922) Ilang taon na ang nakakaraan noong ako'y nagkaroon ng matibay na paniniwala na ang pinanghahawakan ko ay isang paniniwalang pangkaisipan lamang- isang paniniwalang walang buhay. Ang pananaw na ito ay nagpapalagay na ang kaligtasan ay nasa hinaharap pagkatapos ng kamatayan; at dahil dito ang aking kaluluwa ay hindi pa dumadaan sa "paglampas mula sa kamatayan patungo sa buhay." Ipinakita sa akin ng Diyos kung gaano kapanganib ang aking katayuan, at kung gaano ako'y kaaba at nawawala, kung gaano kalaki ang aking pangangailangan upang makamit ang kaligtasan sa kasalukuyan, at hindi sa darating na panahon pa. Napakatagal ng ginawa kong pagsisisi; naging balisa ako at halos magkasakit at maraming mga gabi ang dumaan na hindi ako makatulog. Ganoon na lang ang paghawak sa akin ng Banal na Espiritu na hindi ako magkaroon ng kapahingahan hangga't hindi ko natagpuan ang kaligtasan sa oras ding iyon. Kaya't mataimtim akong nanalangin sa Diyos upang patawarin ang aking mga kasalanan alang-alang kay Hesukristo at maunawaan kong ang aking kaligtasang ay tunay na nakamit ko lamang sa pamamagitan Niya. Naniwala ako sa pangako ng Diyos at pinanghawakan ko ang Kaniyang salita, at nang magawa ko ito, nawala ang kabigatang nararamdaman ko, napagtanto kong ako'y napatawad na, at napalaya na mula sa kapangyarihan ng kasalanan.