Mga Debosyon para sa Mahal na Araw mula sa Holy Bible: MosaicHalimbawa

Pag-aayuno Para sa maraming mga Kristiano, nakaugalian na ang mag-ayuno mula sa kung anu-anong uri ng kaluguran o kalayawan tuwing panahon ng Kwaresma. Kapag nagpapasya tayo kung saang bagay mag-aayuno, madalas nating pinipili yaong bagay na sa palagay natin ay nakakahadlang sa ating paglago sa ating relasyon kay Jesucristo. Ngunit ang mga sinaunang anyo ng pag-aayuno - pag-iwas sa pagkain o pagkakaroon ng mahigpit na pagtatasa ng pagkain - ay hindi ginawa upang tanggalin ang mga makasalanang layaw sa buhay ng tao. Marahil sa pagkawala ng nakagawiang pag-aayuno, ay nawala na rin ang kaunawaan natin kung ano ba ang ating natatamo sa kusang-loob na pagsusuko ng mga bagay na itinuturing nating pangangailangan natin. Sa buong kasaysayan ng Bibliya at ng Kristianismo, marami ang nagsagawa ng pag-aayuno sa katamtamang panahon na di nakapipinsala sa kalusugan. Totoo, ang pag-asa sa kagyat na kaluguran sa ating kultura ay hindi ganoon kaganda ang tingin sa pagtatakwil sa nagbibigay ng sustansya sa katawan. Ngunit hindi kaya ang Diyos ay may nais ipahayag sa atin sa panandaliang pagkakait natin sa ating sarili?