Mga Debosyon para sa Mahal na Araw mula sa Holy Bible: MosaicHalimbawa

Didache (Pagtuturo ng Labindalawang Apostol, c. A.D. 90) Ngunit huwag kayong mag-ayuno kasama ang mga mapagpaimbabaw; sapagkat sila'y nag-aayuno sa pangalawa at panlimang araw ng linggo; ngunit kayo'y nag-aayuno sa pang-apat at sa araw ng Paghahanda (Biyernes). Kapag nananalangin kayo, huwag kayong tumulad sa mga mapagkunwari; ngunit kung paano itinuro ng Panginoon sa Ebanghelyo ganito ka manalangin: Ama naming nasa langit, sambahin nawa ang iyong pangalan. Nawa'y maghari ka sa amin. Sundin nawa ang iyong kalooban dito sa lupa tulad ng sa langit. Bigyan mo kami ngayon ng aming pagkain sa araw-araw;11 pagkain sa araw-araw: o kaya'y kakainin para bukas, at patawarin mo kami sa aming mga kasalanan, tulad ng pagpapatawad namin sa mga nagkakasala sa amin. At huwag mo kaming hayaang matukso, kundi iligtas mo kami sa Masama! Sa Inyo ang lahat ng kapangyarihan at kaluwalhatian magpakailanman. Makatlong beses sa isang araw kang manalangin.