Oswald Chambers: Kagalakan - Kalakasan sa PanginoonHalimbawa

Ang kagalakan ni Jesus ay nasa kaalamang ang bawat kapangyarihan ng Kanyang kalikasan ay kaisa ng sa Kanyang Ama kaya't ginawa Niya ang kalooban ng Kanyang Ama nang may kaluguran. Ang ilan sa atin ay mabagal sa paggawa ng kalooban ng Diyos; ginagawa natin ito na para bang ang ating mga sapatos ay gawa sa bakal at tingga; ginagawa natin ito nang may malakas na pagbubuntong-hininga habang ang ating mga bibig ay nakasimangot, na para bang ang kalooban Niya ang pinakamahirap na bagay dito sa mundo. Ngunit kapag ang ating mga kalooban ay naitama na at nadala natin sa pakikipagkaisa sa Diyos, nagiging kaluguran ito, at nagkakaroon tayo ng nag-uumapaw na kagalakan, sa paggawa ng kalooban ng Diyos.

Kausapin mo ang mga banal tungkol sa paghihirap at titingnan ka nila nang may pagkamangha. "Paghihirap? Anong paghihirap?" Ang paghihirap ay isang bagay na depende sa interpretasyon. Para sa mga banal, ito ay isang nag-uumapaw na kaluguran sa Diyos; hindi kaluguran sa paghihirap, ngunit kung ang kalooban ng Diyos ay hahantong sa paghihirap, may kaluguran sa Kanyang kalooban.

Mga Katanungang Pagmumuni-munian: Bakit ba ako mabagal sa paggawa ng kalooban ng Diyos? Anong maling paniniwala ang nagbibigay sa akin ng kaisipang ayaw ng Diyos na maging masaya ako? Kailan ko naranasang malugod sa paggawa ng kalooban ng Diyos?

Ang mga sipi ay mula sa The Moral Foundations of Life, © Discovery House Publishers