Soma Biblia Kila Siku 11/2025Mfano

Watakatifu ni akina nani hasa? Ni wale wamwaminio Yesu kuwa Bwana na Mwokozi wa maisha yao. Baadhi yao wako hai:Watakatifu waliopo duniani ndio walio bora, hao ndio niliopendezwa nao(Zab 16:3) Na baadhi yao walikufa katika imani hiyo:Bwana mwenyewe atashuka kutoka mbinguni pamoja na mwaliko, na sauti ya malaika mkuu, na parapanda ya Mungu; nao waliokufa katika Kristo watafufuliwa kwanza(1 The 4:16). Kanisa linaadhimisha sikukuu hii kuonyesha kuwa wapo mashahidi wa Kristo waliodumu katika imani hadi kufa, na kwamba siku ya mwisho wataonekana mbele za uso wa Kristo kama washindi.Tazama, mkutano mkubwa sana ambao hapana mtu awazaye kuuhesabu, watu wa kila taifa, na kabila, na jamaa, na lugha, wamesimama mbele ya kile kiti cha enzi, na mbele za Mwana-Kondoo, wamevikwa mawazi meupe, wana matawi ya mitende mikononi mwao(m.9). Tunatamani kuwa sehemu ya kundi hili la watakatifu. Basi tuishi kwa utii wa imani, ili Yesu akija, atukute tuko safi kiroho.