Soma Biblia Kila Siku 07/2025Mfano

Roho wa Kristo aliyekuwa ndani yao[manabii]alitangulia kuyashuhudia mateso yatakayompata Kristo, na utukufu utakaokuwako baada ya hayo(m.11). Fikiria! Maneno haya yameandikwa na mtume Petro ambaye kwanza hakuelewa kabisa haya, bali alitaka kumzuia Yesu asipate mateso! Ilitokea wakatiYesu alianza kuwaonya wanafunzi wake ya kwamba imempasa kwenda Yerusalemu, na kupata mateso mengi kwa wazee na wakuu wa makuhani, na waandishi, na kuuawa, na siku ya tatu kufufuka. Petro akamchukua, akaanza kumkemea, akisema, Hasha, Bwana, hayo hayatakupata. Akageuka, akamwambia Petro, Nenda nyuma yangu, Shetani; u kikwazo kwangu; maana huyawazi yaliyo ya Mungu, bali ya wanadamu(Mt 16:21-23). Sasa anapoandika barua, Petro amefundishwa na Yesu, huyu akimwambia:Ni lazima yatimizwe yote niliyoandikiwa katika Torati ya Musa, na katika Manabii na Zaburi.Ndipo akawafunulia akili zao wapate kuelewa na maandiko. Akawaambia, Ndivyo ilivyoandikwa, kwamba Kristo atateswa na kufufuka siku ya tatu; na kwamba mataifa yote watahubiriwa kwa jina lake habari ya toba na ondoleo la dhambi, kuanza tangu Yerusalemu. Nanyi ndinyi mashahidi wa mambo haya. Na tazama, nawaletea juu yenu ahadi ya Baba yangu; lakini kaeni humu mjini, hata mvikwe uwezo utokao juu(Lk 24:44-49). Vilevile Petro amefunuliwa na Roho Mtakatifu kufuatana na ahadi ya Yesu: [Roho Mtakatifu]atawaongoza awatie kwenye kweli yote; kwa maana hatanena kwa shauri lake mwenyewe, lakini yote atakayoyasikia atayanena, na mambo yajayo atawapasha habari yake(Yn 16:13). Petro ameona kwamba bila mateso ya Yesu wokovu usingalipatikana (katika m.2 anasema wokovu ni pamoja nakununyiziwa damu ya Yesu Kristo)! Ameelewa maneno ya nabii Isaya yanayosema:Hakika[Yesu]ameyachukua masikitiko yetu, Amejitwika huzuni zetu; Lakini tulimdhania ya kuwa amepigwa, Amepigwa na Mungu, na kuteswa. Bali alijeruhiwa kwa makosa yetu, Alichubuliwa kwa maovu yetu; Adhabu ya amani yetu ilikuwa juu yake, Na kwa kupigwa kwake sisi tumepona. Sisi sote kama kondoo tumepotea; Kila mmoja wetu amegeukia njia yake mwenyewe; Na Bwana ameweka juu yake Maovu yetu sisi sote(Isaya 53:4-6).