Mbazi za YesuMfano

TAJIRI NA LAZARO
Katika mbazi hii, Yesu anatupa mafunzo mawili: ya kwanza ni kuhusu matumizi ya mali yetu, na ya pili ni iwapo tunaamini Maandiko.

Katika sehemu ya kwanza ya mbazi hii(mistari 19-26) tunaona kwamba hatima ya watu wawili inabadilika wanapofariki. Lazaro ambaye alitamani kupewa makombo yaliyoanguka kutoka mezani anachukuliwa na malaika na kuwekwa karibu na Ibrahamu. Tajiri, ambaye hakushugulika na maskini, anapoaga dunia anapata kwamba atateseka milele. Umuhimu wa mbazi hii si kutufunza kuhusu ahera bali ni kutuonyesha jinsi ni muhimu tutumie mali yetu, ya kiasi yoyote, kupenda na kutunza wenzetu, bali si kupata vitu vyote tunavyotamani. Utajiri, hata ukwasi wa kupindukia, si mbaya bali tunafaa kuwa waangalifu kwa matumizi ya mali hayo. Tunayatumia kujenga Ufalme wa Mungu ama ni kutosheleza tamaa zetu?

Tajiri alipofahamu kosa lake, alitamani kuwaonya ndugu zake ili nao wasiteseke, lakini Ibrahimu anamkumbusha kwamba walishaonywa kupitia Maandiko. Tajiri ana uhakika kwamba miujiza itawawezesha kubadili nia, lakini Ibrahimu hakubaliani naye. Tusijipate katika mtego ambao tajiri alijipata, ya kutafuta ishara ilhali tunapuuza maneno ya Mungu ambayo tunayo mbele yetu. Yesu alifanya matendo mengi ya ajabu alipokuwa duniani, lakini si kila mtu alimwamini na kumfuata. Tunafaa kuwa na shukrani kwamba tumeonywa (hata zaidi ya huyo tajiri) katika Maandiko bila kudai kwamba Muumba atupe zaidi.