Soma Biblia Kila Siku 02/2025Mfano

Huu ni wimbo kumhusu mkombozi ambaye ana sifa, vipawa, karama na nguvu za Roho Mtakatifu wa Mungu. Ni mkombozi ambaye anaasilika na ukoo wa Daudi. Anakuja akiwa na roho ya unabii, utawala wa haki, na utakatifu. Atarudisha furaha, amani na umoja (rudia mwenyewe m.6-9). Soma kwa makini mistari ifuatayo:Yesu alipokwisha kubatizwa mara akapanda kutoka majini; na tazama, mbingu zikamfunukia, akamwona Roho wa Mungu akishuka kama hua, akija juu yake(Mt 3:16). Yohana aliyembatiza Yesu anashuhudia:Nimemwona Roho akishuka kama hua kutoka mbinguni; naye akakaa juu yake(Yn 1:32). Na baada ya Yesu kupaa mbinguni, Petro anahubiri:Mungu alimtia mafuta kwa Roho Mtakatifu na nguvu naye akazunguka huko na huko, akitenda kazi njema na kuponya wote walioonewa na Ibilisi; kwa maana Mungu alikuwa pamoja naye(Mdo 10:38). Bila shaka picha tunayopata tunaposoma mistari hii ni kwamba mkombozi huyu ni Kristo Yesu. Amekuja kufundisha, kutangaza amani na kuponya, na kutufungua kutoka minyororo ya dhambi. Wajibu wetu ni kukubali akomboe maisha yetu.