Soma Biblia Kila Siku 02/2025Mfano

Mungu alitumia Waashuru kuadhibu Israeli, lakini hili halimpi mfalme wao sababu ya kujisifu. Mungu atamwadhibu kwa sababu ya majivuno yake. Je, mwisho wake ni maangamizo katika nchi yote? Hapana! Hata katika hukumu hizo Mungu anahakikisha kwamba kuna “mabaki”, yaani watu waliopona. Kuhusu hao imeandikwa kwambaMabaki ya Israeli, na hao waliopona wa nyumba ya Yakobo, hawatamtegemea tena yeye aliyewapiga(= Mfalme wa Ashuru), bali watamtegemea Bwana, Mtakatifu wa Israeli, kwa kweli(m.20). Mungu anaweza kuadhibu na kuondoa ulinzi juu yetu ili tusiwategemee watu wala mafanikio yetu, bali tufikie kumkumbuka Mungu na kumtegemea yeye kwa kweli. Hebu tujifunze kumshukuru na kumsifu Mungu kwa ajili ya hiyo.