Vir Nuwe Volgelinge Van Jesus - 30 BybelstudiesSample

Bybelstudie 22/30

Nr.4/12

Jesus beveel: Neem jou kruis op en volg My

Sleutelbeginsel

Die Bybel sê uitdruklik dat elkeen wat Jesus volg, vervolg sal word. Moenie dink vervolging is abnormaal of dat jy noodwendig iets verkeerd doen nie. Natuurlik sal ons soms onwyse dinge doen, en mense sal sulke gedrag verwerp. Maak seker jy leef soos wat God dit van jou verwag.

Sleutel Skrifgedeeltes om te bestudeer

Lukas 9:57-62 en Lukas 14:25-28

2 Timoteus 3:12 – Almal wat in Christus Jesus toegewy aan God wil lewe, sal ook vervolg word.

3 Vrae

1. Wat leer ons oor God in hierdie 3 Skrifgedeeltes? (Hoe openbaar God Homself aan ons in hierdie Skrifgedeeltes? Wat leer ons van sy karakter, sy werk, bevele en beloftes?)

2. Wat leer ons van onsself of mense in hierdie Skrifgedeeltes? (Wat verwag God van my? Hoe dink God oor my?)

3. Waarom was Jesus so radikaal toe Hy vir ons gesê het om Hom te volg? Hy het gesê: Neem jou kruis op... bereken die koste... moenie agtertoe kyk nie.

1 Praktiese ding om te gaan doen

Gehoorsaamheid: Die gedeeltes wat ons bestudeer het, is die Woord van God. Hoe moet ons reageer op dit wat Hy hier sê? Hoe moet ek God gehoorsaam? Wat sê die Heilige Gees vir my in hierdie Skrifgedeeltes? Wat moet in my lewe verander? Hoe moet ek hierdie Skrifgedeeltes in my lewe toepas? Skryf een ding neer wat jy binne die volgende 48 uur kan gaan doen.

Reaksie op vervolging - Moet nooit wraak neem wanneer jy onregverdig behandel en vals beskuldig word nie. Lees Romeine 5:5 en vra God die Heilige Gees om die liefde van God in jou hart uit te stort sodat jy onvoorwaardelik kan liefhê. Moet jouself nooit verdedig nie. Verduidelik wat jy glo en waarom jy dit glo.