Soma Biblia Kila Siku 11/2024Sample

Yesu anatufundisha tabia inayoleta heshima mbele ya Mungu. Ni tabia ya kuwajali sanawadogo hao waniaminio(m.6). Hao ni watoto. Tena ni mtu ye yote aliyekubali kujinyenyekeza na kumpokea Yesu kama Mwokozi wake. Zingatia Yesu anavyoungana na hao akimsema:Kadiri mlivyomtendea mmojawapo wa hao ndugu zangu walio wadogo, mlinitendea mimi. ... Kadiri msivyomtendea mmojawapo wa hao walio wadogo, hamkunitendea mimi(Mt 25:40, 45). Wengi wao si watu wenye vyeo. Kwa hiyo huitwawadogo– au hatawatoto wachanga:Wakati ule Yesu akajibu, akasema, Nakushukuru, Baba, Bwana wa mbingu na nchi, kwa kuwa mambo haya uliwaficha wenye hekima na akili, ukawafunulia watoto wachanga.Naam, Baba, kwa kuwa ndivyo ilivyopendeza mbele zako(Mt 11:25-26). Hiyo humfanya Paulo kuwakumbusha Wakristo wa Korintho:ndugu zangu, angalieni mwito wenu, ya kwamba si wengi wenye hekima ya mwilini, si wengi wenye nguvu, si wengi wenye cheo walioitwa;bali Mungu aliyachagua mambo mapumbavu ya dunia awaaibishe wenye hekima; tena Mungu alivichagua vitu dhaifu vya dunia ili aviaibishe vyenye nguvu;tena Mungu alivichagua vitu vinyonge vya dunia na vilivyodharauliwa, naam, vitu ambavyo haviko, ili avibatilishe vile vilivyoko;mwenye mwili awaye yote asije akajisifu mbele za Mungu.Bali kwa yeye ninyi mmepata kuwa katika Kristo Yesu, aliyefanywa kwetu hekima itokayo kwa Mungu, na haki, na utakatifu, na ukombozi;kusudi, kama ilivyoandikwa, Yeye aonaye fahari na aone fahari juu ya Bwana(1 Kor 1:26-31). Yesu yuko ndani ya wote wanaomwamini, kwa hiyo ukiwapokea wanaomwamini Yesu unampokea mwenyewe. Ukiwadharau unamdharau Yesu. Basi, tuwajalikwanzawalio wa Yesu, na pamoja nao pia wengine wote!