Wat gebeur ná die dood met mense wat nie in Christus glo nie? — Openbaring 21:1-8

1. Die nuwe hemel en nuwe aarde bring ‘n totale nuwe en mooigemaakte bestel tot stand. Wat beteken dit vir jou?

2. Die poel wat met vuur en swael brand wag egter vir mense wat nie volhard het daarin om die Here te dien nie. Watter effek het dié deel van die boodskap op jou?

3. Lees die verse later vandag weer om jou te herinner daaraan om te volhard om die Here te dien, al kos dit jou ook baie opofferings. Jou toekoms is nie net verseker nie, maar dit is totaal nuut en mooigemaak.

4. Jy kan later vanaand die gedeelte weer lees in die konteks van Openbaring 21 met die tema: God skep hemel op aarde vir sy volk, die Nuwe Jerusalem.