Soma Biblia Kila Siku Disemba/2022Sample

Kizazi hiki ni kizazi kibaya; kinatafuta ishara (m.29). Wayahudi walikuwa na mioyo migumu sana. Walibarikiwa kipekee sana. Mwana wa Mungu yu katikati yao na kufanya miujiza mingi. Hata hivyo wengi hawataki kuamini. Bado wanataka ishara zaidi. Lakini kutaka hivyo ni kumjaribu, kama ilivyoandikwa katika m.16, Walimjaribu, wakimtaka ishara itokayo mbinguni. Ndiyo maana Yesu akawaambia, Ikiwa mimi natoa pepo kwa kidole cha Mungu, basi ufalme wa Mungu umekwisha kuwajilia (m.20). Ukweli ni kwamba wao wametawaliwa na Shetani wala siye Yesu. Kwa maana Yesu anasema, Mtu ambaye si pamoja nami yu kinyume changu; na mtu asiyekusanya pamoja nami hutawanya (m.23). Je, wewe kweli u pamoja naye?