Soma Biblia Kila Siku Disemba/2022Sample

Injili ya Luka mara kwa mara inaeleza kwamba Yesu alitafuta nafasi ya kuomba. Sasa mfano wake umewapa wanafunzi wake hamu ya kujifunza kuomba. Kwa mazingira ya wakati ule ilikuwa ni jambo la kawaida mwalimu wa dini kuwafundisha wanafunzi wake sala maalumu ya kuomba. Na kawaida ni kwamba sala ya aina hii iombwe mara tatu kwa siku, yaani asubuhi, mchana na usiku. Injili ya Mathayo imeandika kwa kirefu ‘Sala ya Bwana’ hivi: Baba yetu uliye mbinguni, Jina lako litukuzwe, Ufalme wako uje, Mapenzi yako yatimizwe, hapa duniani kama huko mbinguni. Utupe leo riziki yetu. Utusamehe deni zetu, kama sisi nasi tuwasamehevyo wadeni wetu. Na usitutie majaribuni, lakini utuokoe na yule mwovu. Kwa kuwa ufalme ni wako, na nguvu, na utukufu, hata milele. Amina (Mt 6:9-13). Mara tatu kwa siku Yesu anataka umwite Baba na kumwomba mambo haya k.m. msamaha wa dhambi!