Soma Biblia Kila Siku Disemba/2022Sample

Leo wito mkubwa wa Yesu kwa wafuasi wake ni kwamba tuwe waminifu kila mmoja wetu mahali pale Bwana alipotuita kulitumikia kanisa lake. Kila Mkristo ana wajibu wake. Wote tunadaiwa kupendana, kuwaleta wengine kwa Yesu, kuutafuta uso wa Bwana katika maombi, kulisikiliza Neno la Mungu kanisani na kushiriki katika Chakula cha Bwana. Tusipodumu katika hayo pamoja na huduma zingine tunazoitiwa kanisani, basi hatutakuwa tayari Bwana akija! Heri watumwa wale, ambao bwana wao ajapo atawakuta wanakesha (m.37).