’n Lewenspad vol vreugdeSample

### Coram Deo Carpe diem – gryp die dag – het oor millennia heen die siening geword van mense wat voluit en met entoesiasme leef. Maar soms wanneer ons die dag vasgryp, offer ons wysheid op die altaar van begeerte. Daar is ’n mooier lewensiening wat ons kan volg: coram Deo . Dit beteken “in die teenwoordigheid van God”. Dit beskerm die koers van ons lewe deur ons te stuur in die rigting van wysheid eerder as hedonisme, adrenalien of ’n behoefte om onsself te bewys. Om voor die aangesig van God, coram Deo , te leef is waar ek wysheid leer. Gou is dit die vrug van die Gees, vrede, vreugde en liefde, wat in my lewe na vore kom. Voor die aangesig van God, blom ek. In die hebsug na meer, verlep ek. Here, help my om ten volle te leef, maar herinner my ook om altyd in u teenwoordigheid te leef, waar ek werklik vir ewig sal leef. Amen.