Soma Biblia Kila Siku Julai/2022Sample

Ujumbe wa Mungu unahusu Yerusalemu mpya. Mtu mwenye kamba anataka kupima ukubwa wa ujenzi wa kuta zake, lakini kazi hiyo haitahitajika. Sababu moja ni mji wa Mungu kuenea sana kutokana na kukaliwa na watu wengi. Lakini sababu kuu ni ahadi ya ulinzi utakaowekwa na Mungu. Yeye mwenyewe ndiye ule ‘ukuta’ utakaolinda taifa lake: Kwa maana mimi, asema BWANA, nitakuwa ukuta wa moto kuuzunguka pande zote, nami nitakuwa huo utukufu ndani yake (m.5). Tafakari jambo hili zaidi ukilinganisha na maneno yafuatayo: Mji ule hauhitaji jua wala mwezi kuuangaza, kwa maana utukufu wa Mungu huutia nuru, na taa yake ni Mwana-Kondoo (Ufu 21:23). Bwana ni nuru yangu na wokovu wangu, Nimwogope nani? Bwana ni ngome ya uzima wangu, Nimhofu nani? (Zab 27:1)