Soma Biblia Kila Siku Juni/2022Sample

Wakristo wasikose kujua kwamba wawapo duniani majaribu kati yao hayakosi kuwapo. Lakini kama watoto wa Mungu, ni lazima waonyeshe upole kati yao, na wasijisumbue kurekebishana kwa nguvu zao wenyewe bila kuomba. Maombi ni njia bora ya kurejeshewa amani na Mungu awapendaye. Tena amani hiyo ndiyo iwahifadhiyo watoto wa Mungu wabaki salama. Ni mapenzi ya Mungu kwamba tumwombe ili kumwonyesha kuwa tunamwamini na kumpenda. Tukifanya hivyo wakati wote hatutapungukiwa na amani yake.