Soma Biblia Kila Siku Juni/2022Sample

Kumfurahia Mungu kwa kweli ni pale tunapohesabu baraka zake katika yale yote anayotutendea, makubwa na madogo. Yatupasa kumshukuru Mungu na kuyafurahia mambo hayo. Hivi ndivyo Paulo alivyoishi na anatutaka tuige kwake. Hata alipopungukiwa, aliyahesabu hata hayo kuwa mapenzi mema ya Mungu kwake. Mioyo inayompokea Mungu hivyo huruzukiwa amani ya kweli, hata kama kuna kupungukiwa na mahitaji ya kimwili. Kwa njia hii, twaweza kuona tukiyaweza yote kwa sababu Mungu ndiye mdhibiti.