MigaSample

Lees: Miga 5:9-14; Psalm 50:15-23

SOAP: Miga 5:14

*Let wel: Die verse in die Afrikaanse en Engelse Bybels stem nie ooreen nie. Lees Miga 5:9-14 in die Afrikaanse Bybel.

Mag ek eerlik en opreg wees en vir jou sê wat my probleem met Miga is? Dit laat my dink aan my eie sonde. Sonde is 'n woord wat verdwyn het uit die woordeskat van baie Christene. Ons verberg "klein" sondes of vermom hulle as "neigings." As almal dit doen, moet dit reg wees!

Verkeerd.

Miga laat my ook dink aan my eie gehoorsaamheid teenoor God. Is my lewe anders as die lewe van die volk van Israel? Ek kan God nie genoeg dank vir my lewe onder die genade nie, want hoe dieper ek ondersoek instel na my sonde, hoe meer sonde vind ek.

"Eendag sal God die ongelowige Joodse volk in hulle land versamel, hulle lyding laat ervaar, en Homself dan aan hulle openbaar en 'n nuwe nasie daarstel. Die profete het daardie dag sien kom en het probeer om hulle boodskap aan die volk oor te dra, maar hulle wou nie luister nie." Warren Wiersbe — Wees Bekommerd .

Hoeveel keer het ons in die boek Miga gesien dat die volk nie wou luister nie? Ek wil nie so wees nie. Ek wil nie my ore toedruk terwyl ek gewaarsku word nie.

Here, help my asseblief. U Woord is so duidelik oor hoe ek moet leef! Help my om noukeurig na U te luister en bewus te word van my sonde. Here, reinig asseblief my hart en help my om U te gehoorsaam. In die Naam van Jesus, amen.