Wees DapperSample

Lees: 1 Petrus 4:8-10, 1 Korintiërs 12:4-7

SOAP: 1 Korintiërs 12:4-7  

My dogter het onlangs 'n paar van haar vriendinne uitgenooi om te kom oorslaap by ons huis. Nadat die meisies pizza geëet het en hulle nagklere aangetrek het, het ek gesien hoe hulle rondom ons klavier bymekaar kom. Ek was in die ander vertrek toe ek skielik agterkom dat hulle gegiggel stil geword het en in plaas daarvan hoor ek musiek en sang. Toe ek inloer om te sien wat hulle doen, was dit ‘n pragtige gesig. Een meisie het die klavier gespeel, drie ander meisies het in harmonie gesing, twee meisies het 'n liriese dans gedoen, en 'n ander meisie het 'n video van dit alles geneem. Ek was getuie van God se unieke gawes!

Dis dieselfde met geestelike gawes: God werk op verskillende maniere in ons almal. Ons is almal deur God geseën met 'n unieke gawe of talent, sodat ons mekaar kan help en 'n verskil in die wêreld kan maak. Wanneer ons ons gawes op ‘n dapper manier gebruik, word God verheerlik en word ons verenig. Net soos die meisies in my woonkamer, werk die gawes wat aan ons gegee is, saam om God se doel te bereik. Ons almal se gawes is uniek, maar kom van dieselfde Gees. Ons daad van dapperheid is om vreugdevol te wees terwyl ons die gawes wat God ons gegee het, gebruik!

Hemelse Vader, dankie vir die unieke gawes wat U vir my gegee het. Dankie vir geleenthede waar ek my gawes kan gebruik om U te verheerlik en ander te help. Wys my hoe dit is wanneer ons almal ons verskillende gawes gebruik om U te dien. In Jesus se Naam, Amen.