ការតមរយៈពេល ២១ ថ្ងៃគំរូ

អាហារគឺជាប្រភពនៃភាពស្រណុកស្រួលរបស់មនុស្សជាច្រើន។ ចូររំឭកមើល ថាតើ គំនិតរបស់អ្នកបានជ្រួលជ្រាបដោយការស្រេកឃ្លាននូវអាហារណាខ្លះដែរ ឬកំពុងនឹករឭកចំពោះអ្វីដែលអ្នកកំពុងតមមិនប្រព្រឹត្ដវា ឬក៏ជាការគិតថា តើទម្ងន់គីឡូរបស់អ្នកនឹងអាចស្រកបានប៉ុន្មានដែរ នៅក្នុងអំឡុងពេលនេះ។ តើការគិតនោះកើតឡើងជារឿយៗ? ប្រសិនបើ ការតមនោះ ជាការតមពីសារជាតិសុរា ឬសារជាតិថ្នាំណាមួយ តើអ្នកសម្រេចគិត ថាអ្នកកំពុងតែមានភាពញៀន ដោយសារតែអ្នកនៅតែមិនអាចបំភ្លេច នៅតែគិតពីវា នៅពេលឥឡូវនេះ? សម្រាប់មនុស្សជាច្រើន គ្រានៃការតមនេះ នឹងចាប់ផ្ដើមផ្ដល់ឲ្យគាត់យល់ដឹងថា អាហារ ឬសារជាតិអ្វីមួយ កំពុងតែមានទីកន្លែងសំខាន់ នៅក្នុងជីវិតរបស់គាត់ហើយ។ គ្រានេះ ក៏អាចបើកសម្ដែងឲ្យឃើញនូវភាពញៀនណាមួយផងដែរ។ ចូរអធិស្ឋាន សូមឱ្យព្រះនៃសេចក្ដីមេត្តាករុណា និងជាព្រះនៃរាល់ការកំសាន្ដចិត្ដ បានក្លាយជាប្រភពតែមួយ សម្រាប់លួងលោមថ្នាក់ថ្មម ក្នុងគ្រាដ៏លំបាក ធេញធោងរបស់អ្នកនេះ។ ចូរទូលសូមទ្រង់ ឱ្យព្រះអង្គបានប្រើប្រាស់នូវបទពិសោធន៍ជាមួយនឹងការរងទុក្ខនេះ ដើម្បីដកយកចេញរាល់គ្រប់អ្វីៗ ដែលបានតាំងទីជំនួសឱ្យព្រះវិញ្ញាណដ៏រិសុទ្ធនោះ ដ្បិតព្រះអង្គហើយ ដែលគួរជាអ្នកនៅទីកន្លែងនោះ ដើម្បីទ្រង់បានជាអ្នកផ្ដល់ទីប្រឹក្សា និងកំសាន្ដចិត្ដដល់អ្នក នោះវិញ។