ព័ត៌មានគម្រោងអាន
ព្រះគម្ពីរមានជីវិតរស់រវើកគំរូ
ព្រះគម្ពីរមានជីវិតរស់រវើក
ព្រះគម្ពីរគឺជាព្រះបន្ទូលរបស់ព្រះជាម្ចាស់ មកដល់រូបយើង។ ព្រះបន្ទូលគឺជាសារដែលព្រះបានតាក់តែងរាយរាប់ តាមរយៈមនុស្ស ប្រាប់អំពីអត្តចរិត និងគម្រោងផែនការណ៍របស់ព្រះអង្គ ដើម្បីសង្គ្រោះនិងស្ដារមនុស្សជាតិឡើងវិញ។ ហើយដោយសារតែព្រះបន្ទូលនេះ បានបណ្ដាលដោយព្រះជាម្ចាស់ នោះរាល់ផ្នែកនានានៃអត្ថបទព្រះគម្ពីរ មានចេស្ដាសម្រាប់ផ្ដល់ជាទីប្រឹក្សា នាំអនុភាព (ក្ដីប្រាកដក្នុងចិត្ដ) និងអាចបំផ្លាស់បំប្រែយើងបាន។
ចូរគិតអំពីពេលមួយ ដែលអ្នកមានអារម្មណ៍ថា គំនិតរបស់អ្នក ត្រូវបានបំផ្លាស់បំប្រែជាថ្មី ឬបានមើលឃើញអំពីផ្នែកមួយចំនួននៃជីវិតរបស់អ្នក បានទទួលការបំផ្លាស់បំប្រែនោះ។ ប្រសិនបើអ្នកបានអាន ឬស្ដាប់អត្ថបទព្រះគម្ពីរយ៉ាងទៀងទាត់ នោះអ្នកនឹងទទួលយល់ដឹង ហើយភ្លក់ពីព្រះចេស្ដារបស់ព្រះបន្ទូល ដើម្បីជំរុញទឹកចិត្ដ លើកទឹកចិត្ដ ហើយថែមទាំងដេញជើងខ្លួនអ្នកផង។
ព្រះគម្ពីរមានលក្ខណៈលើសពីមេរៀននៃប្រវត្តិសាស្រ្ដទៅទៀត។ ទោះបីជាព្រះគម្ពីរថ្លែងពីអ្វីៗដែលព្រះជាម្ចាស់បានធ្វើកន្លងមក នោះអត្ថបទក៏បង្ហាញឱ្យយើងឃើញពីអ្វីដែលព្រះជាម្ចាស់ នឹងធ្វើដែរ។ ព្រះបន្ទូលកំពុងតែបើកសម្ដែងនូវសាច់រឿង ដែលព្រះជាម្ចាស់បានបើកបង្ហាញនៅលើប្រវត្ដិសាស្រ្ដរហូតមក។ នោះគឺជារឿងដែលព្រះជាម្ចាស់សព្វព្រះទ័យចង់បន្តប្រាប់ តាមរយៈរូបយើងរាល់គ្នា។
ព្រះបន្ទូលរបស់ព្រះជាម្ចាស់ បានមានចលនានៅក្នុងដួងចិត្ដរបស់មនុស្សជាច្រើន តាំងតែពីដើមដំបូងនៃពេលវេលា ហើយសេចក្ដីជំរុញទឹកចិត្ដនៃព្រះបន្ទូល បានដឹកនាំដល់ការបំផ្លាស់បំប្រែនៃទីក្រុង ប្រជាជាតិ និងបណ្ដាទ្វីបជាច្រើន។
ដូច្នេះហើយ នៅក្នុងសប្ដាហ៍នេះ ចូរឱ្យយើងអបអរសាទរពីរបៀបដែលព្រះគម្ពីរមានជីវិតរស់រវើកនិងមានភាពយ៉ាងសកម្ម នៅក្នុងពិភពលោករបស់យើង ដោយការសម្លឹងមើលទៅកាន់សេចក្ដីរាយរាប់ ដែលព្រះជាម្ចាស់បានថ្លែងតាមរយៈក្រុមគ្រីស្ទបរិស័ទ នៅក្នុងប្រវត្តិសាស្រ្ដរហូតមក—នោះគឺជាសាច់រឿងដែលបង្ហាញស្ដែងពីសមត្ថភាពរបស់ព្រះគម្ពីរ ដែលអាចចាក់ទម្លុះទីងងឹត នាំមកនូវសេចក្ដីសង្ឃឹម ស្ដារជីវិតឡើងវិញ ហើយនិងបំផ្លាស់បំប្រែពិភពលោកផង។
អត្ថបទគម្ពីរ
អំពីគម្រោងអាននេះ
ចាប់តាំងពីដើមកំណើតនៃពេលវេលា ព្រះបន្ទូលរបស់ព្រះជាម្ចាស់បានស្ដារដួងចិត្ដនិងគំនិតយ៉ាងសកម្ម—ហើយព្រះជាម្ចាស់ក៏មិនទាន់បញ្ចប់នៅត្រឹមហ្នឹងដែរ។ នៅក្នុងរយៈពេល ៧ ថ្ងៃដ៏វិសេសនេះ ចូរឱ្យយើងបានអបអរសាទរនូវអំណាចនៃការផ្លាស់ប្រែដ៏រស់នៃព្រះ...
More