Migga 4
4
1Pijomarporle uvlune kingorliojune Nâlekab iglungata ᴋaᴋanga palangititaujomârmat pijariaᴋortonerpauvlune ᴋaᴋanit, ᴋagvertitauvlunelo ᴋaᴋanit; inôᴋatigêllo tagvunga ᴋerdlerutijomârput.
2Inôᴋatigêksuillo unuktut ingeraromârput, oᴋarlutiglo: Kaileritse, majuarta Nâlekab ᴋaᴋanganut, Jâkoblo Gudingata iglunganut; tâpsomalo ajoᴋertulârpâtigut apᴋutauᴋojaminik, arvertaromavogullo apᴋutingine; perᴋojat anijomârmatta Zionemit, Nâlekablo oᴋausinga Jerusalemit.
3Erᴋartuijomârporlo inôᴋatigêksuit unuktut akorngane, inôᴋatigêksuillo aᴋtornartut inerterlugit ungasiktomit; saviksoatiglo katjugomârpait ibjomik makperteraijûtingorlugit, ᴋalugiatiglo iviksukatautingorlugit; nunaᴋatigêt nalîllônêt assimingnut saviksoarmik atorungnairomârput, unatadlarnermiglo iliniarungnairomârput.
4Ilûnatigle atunit iksivajomârput vaineᴋautimik atâne, paungatannaᴋautimiglo atâne, sivôrasârijoᴋarniangilarlo tâpkoninga: Nâlekab Zebaotib ᴋaningata oᴋauseringmago.
5Inôᴋatigêt ilûnatik atunit arvertaromârmatta gudimik attingane, uvagullo arvertatsainaromârpogut Nâlekab Gudipta attingane, soraijuidluta.
6Uvlorme tâpsomane, oᴋarpoᴋ Nâlegaᴋ, tusiaktut katersoromârpakka, ajaktortaujullo pikaluktakkalo katititsomârpakka;
7Tusiaktullo amiakotitsomârpakka, ajaktortaujullo inôᴋatigêksoangordlugit; Nâlegarlo ataniojomârpoᴋ tâpkonunga ᴋaᴋame Zioneme mânamit issoᴋangitomut.
8Igvillo, katimgajut nuvugusingat, Zionib paningata ᴋaᴋanga, ilingnut tikilârpoᴋ, ilâ, nâlegauneᴋ sivorleᴋ tikilârpoᴋ, Jerusalemib paningata nâlegauvinga.
9Sôᴋ mâna nippeᴋortovlutit ᴋaigarsuᴋêt? Ataneᴋangilaᴋ ilingnê? Atanertuijêrutivêt, tikitaugavit ânianernut sorlo ernisulertotût?
10Anialerit, ilungertorillo saᴋᴋêjomavlutit ernisulertotut, Zionib paninga; mâna anijomâravit iglugasaksoarnit, naternamelo iniksaᴋalârpotit, Babilonemut aglât tikituksauvotit; tagvane ᴋelujaulârpotit; tagvane Nâlekab piulilârpatit ômigijivit agganginit.
11Mânale inôᴋatigêksuit unuktut katimavut ilingnut, oᴋartut: Sujuktaudlarle, ijivullo takolit katjârijamingnik Zioneme.
12Kaujimangilalle Nâlekab issumanginik, tukkisilungilallo pijomajanganik: tâpsoma katersormagit ᴋepitatitut katjugvingmut.
13Nikovigit katijuklutillo, Zionib paninga; nakjut kikiangortitsomârapko, itikatillo ᴋaᴋorlingordlugit; inôᴋatigêksuillo unuktut serᴋalilârpatit, akluiningillo ilingatilârpatit Nâlekamut, perᴋutingillo silaksûb ilûnangata Nâleganganut.
ទើបបានជ្រើសរើសហើយ៖
Migga 4: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.