Migga 3
3
1Oᴋarpungalo, Nâlalauritsetôᴋ, angajoᴋaujose Jâkokune, ilipselo Israêlib ᴋitorngangita aulatsijingit; idluarsainermik ᴋaujimajuksaungilasê?
2Ajungitoᴋ ômigivase, idluitorlo ungagilugo; tâpkoa amêjarpase, sauningillo nerᴋêjarpase;
3Inuᴋotimalo uviningat nerrivase; amêjarpaillo, sauningillo naploarlugit; ilâ, serᴋalivait, sorlo ukusingmut ilingatilugit, sorlolo nerᴋe ukusingmêtoᴋ.
4Nâlegaᴋ ᴋaigarsugvigilârpât tagva, tâpsomale akkiniangilait; ilâ, kênane ijeromârpâ tâpkonangat taipsomane, idluitomik piniarnerijangit maliklugit.
5Imâᴋ oᴋarpoᴋ Nâlegaᴋ nalautaijut inuᴋotimnik tamartitsijut pivlugit; kigutimingnut kêsijut, ᴋaigarsuklutiglo: Ulapirᴋsaumik; oᴋomeraksamigle ilijijoᴋangipat ᴋaninginut, tagva unatariartoromavât:
6Tamanna pivlugo unnuangolârpoᴋ ilipsingnut, takotitjuteᴋarungnaiᴋovluse; tâᴋtoᴋsôlârpoᴋ ilipsingnut, nalautaijungnarᴋonase; seᴋinerlo nipilârpoᴋ nalautaijunut, uvlorlo ᴋernersilârpoᴋ tâpkonunga.
7Takotitjutiniglo takojut, kangusudlalârput, nalautaijullo ᴋevilârput ilâ, ilûnatik ᴋangasinângmingnik mattujilârput; Gudemit kiguseᴋarnialungimat.
8Uvangale ilumertaudlarpunga pitsartunermik Nâlekab anerninganut, idluarsainermiglo, sôngonermiglo, Jâkomut nalonaijaiᴋovlunga tapaninganik, Israêlemullo idluitulininganik.
9Tamanna tusarsiuktôᴋ, angajoᴋaujose Jâkokune, aulatsijoselo Israêlekune, ômisuktose idluarsainermik, mumiktitsijoselo nalâgôrnermik ilûnânik.
10Zion igloliorpase aungmut, Jerusalemelo idluitulinermut.
11Angajoᴋângit idluarsaivut pilitaujomavlutik, ajoᴋertuijungillo akkilertaujomavlutik, nalautaijungillo nalautaivut kênaujanut; sullele Nâlegaᴋ egangavigijomavât, oᴋarlutiglo: Nâlegaᴋ akunaptingnêlungilâᴋ? Idluitûb tikiniangilâtigut.
12Taimaimat ilipse pitjutigiluse Zion perorsêviktut makperterartaujomârpoᴋ, Jerusalemelo aᴋtornerlukungoromârpoᴋ, iglûblo ᴋaᴋanga napârtoliub poᴋtoningatut itsomârpoᴋ.
ទើបបានជ្រើសរើសហើយ៖
Migga 3: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.