Migga 5
5
1Mana katititaksatit katitikit, katititaksat paningat; tâpsoma ilumavâtigut; Israêlib idluarsaijunga issaᴋajomârpât ulloangagut issaᴋautemut.
2Igville, Betlehem Efrata, mikijôgaloartotit Jûdab tausendeoningita akorngane, ilingnit pijomârpoᴋ uvamnut nâlegaujuksaᴋ Israêleme; tâpsoma aniningit itsarsoarnit pivut, issoᴋangitoᴋsoarmit.
3Taimaimat tâpsoma tunijomârpait ernisuktoᴋ erniᴋârtinago; taipsomane ᴋatangutime amiakungit utilârput Israêlib ᴋitornganginut.
4Tâmnalo nangeromârpoᴋ nerripkailunelo saugaᴋotiminik Nâlekab pitsartuningane, Nâlekab Gudime attingata inornarningane; tâpkoalo iniksarsijomârput; mâna tâmna angijôdlaromârpoᴋ nunaᴋsûb issungit tikidlugit.
5Tâmnalo ulapirᴋsautigilârpavut; Assiriamioᴋ tikipat nunaptingnut, iglutsiavullo tullerarpagit, makitilârpavut mianersijut 7it angutillo erᴋanartut 8it tâpsomunga.
6Tâpkoa Assurib nunanga asseroromârpât saviksoarmut, Nimrodiblo nunangata itertarvingit; piulijomârpâtigulle Assiriamiunit, nunaptingnut tikipatta, ᴋanitavullo tullerarpagit.
7Jâkoblo amiakungit mitsuksoatut Nâlekamit pijotut ilingalârput inôᴋatigêksuit unuktut akorngane, suarutaᴋtut iviksukane; tâpkoa kinamik utaᴋilungilat, nerriulungilallo inûb ᴋitornganginik.
8Jâkoblo amiakungit ilingalârput nunaᴋatigêksuit akorngane inôᴋatigêksuillo unuktut akorngane loevetut nergjutit napârtolingmêtut akorngane, loevearaᴋtullo saukat katimgajut akorngane; apᴋutigijarangamigit tullerajârivoᴋ aliktuilunelo, saputsijuksaᴋangilarlo.
9Aggaktit ᴋolangiarlit akkerartortingnik, ômigijitillo tamaita kipijaulit.
10Pijomarporlo uvlorme tâpsomane, oᴋarpoᴋ Nâlegaᴋ, horsit pêjaromârapkit akunapsingnit, ᴋamutillo unatautit aksaloalit asseroromârapkit;
11Nunavîllo iglugasaksoangit kipijomavakka, taluksoatillo ilûnaita oggotitsomârpakka.
12Angakonerillo tamaita kipijomârpakka aggangnit; torngijoᴋarungnaituksauvorlo ilingne.
13Inungoaliarimajatillo napajullo kipijomârpakka akunapsingnit; aggakpîllo sanajangit tuksiarvigijungnairaksarivatit.
14Napârtunelo sanamajatit pêjaromârpakka akunapsingnit, iglugasaksoatillo asseroromârpakka.
15Ningarnermelo ᴋaningaumajârnermelo inôᴋatigêksuit tusaromalaungitut akkiniaromârpakka.
ទើបបានជ្រើសរើសហើយ៖
Migga 5: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.