Yohana 17
17
Shinga Yesu olwa yasaayila abeechibe
1Yesu yaboola amakhuwa ako; mana nachinguula tsimoni khwikulu, nasunga mbu Papa, eshise shimalile okhuula; kalusilia Omwana oluyali, mbu Omwana akhuheelesie iwe oluyali. 2Shinga olwa wamuheelesia obunyali khubandu bosi, mbu abaheelesie obulamu bwobumeli abo bosi aba wamuheelesiye. 3Nabwo obulamu bwobumeli mbwobuno, mbu bakhumanye iwe ouli Nyasaye watoto wenyene, nende omwenoyo owa waruma, niye Yesu Kristo. 4Ndakhuheelesia oluyali mushialo, nimalilisia emilimo echia wayambeelesiye mbu enjikhole. 5Ne bulaano, e Papa, ungalusilie oluyali halala ninawe omwene, oluyali Iwenolwo olwa ndalinji ninalwo halala ninawe, eshialo nishishili okhubaho.
6Ndabamanyia eliiralio abandu beenabo aba wambeelesia khubomushialo; balinji abobo, nawe wambeelesia; nabo bahuliile likhuwalio. 7Bulaano bamanyile mbu kosi aka wambeelesiye karula khwiwe; 8okhuba amakhuwa aka wambeelesia, ndabaheelesiye abo; nabo nibakafuchiilila, nibamanya mbu toto mwene ndarula khwiwe, nibasuubila mbu niwe owaruma. 9Embasaayila bo; shisaayila eshialo ta, habula abeenabo aba wambeelesia; shichila nibo abobo; 10ne biosi ebili bianje nebibio; nabio ebibio nebianje; nasi eheebwa oluyali mubo. 11Nasi shindimwo mushialo khandi ta, ne bano bali mushialo, nasi enzitsa ewa oli. Papa Omutakatifu, obalinde khulwa eliiralio abo aba wambeelesiye, mbu babeetsenje mulala, shinga ifwe olwa khuli. 12Olwa ndali nindiho ninabo, ndabalinda khulwa eliiralio abo aba wambeelesiye; nimbateetsa, kata abulaho khubo owatiba, habula omwana wobukori oyo; mbu amahandiiko koosibwe. 13Ne bulaano enzitsa ewa oli; amakhuwa kano nako engaboola mushialo mbu babe nende okhwikhoya khwanje nikhuusilibwa mubo. 14Ndabaheelesiye likhuwalio; ne eshialo shiabakiya, shichila shibali abeshialo ta, shinga isie olwa ndarali oweshialo ta. 15Shisaaya mbu obarusie mushialo ta, ne mbu obalinde khumubii oyo. 16Shibali abeshialo ta, shinga isie olwa ndarali oweshialo ta. 17Obaahule mubwatoto obwo; likhuwalio nilio obwatoto. 18Shinga olwa waruma isie mushialo, nasi nolwa ndabaruma bo mushialo. 19Khandi khulwabwe ndiyahula omwene, mbu abo nabo baahulwe mubwatoto.
20Kata shimbasaayila bano bonyene ta, habula nende abeenabo abasuubilila isie khulwa likhuwa liabwe; 21mbu bosi babe mulala; shinga iwe, Papa, olwa oli mwisie, ninasi mwiwe, mbu nabo bosi babe mwifwe; mana eshialo shisuubile mbu khane niwe owaruma. 22Nalwo oluyali olwa wambeelesiye, ndabaheelesiye abo; mbu babe mulala, shinga ifwe olwa khuli mulala; 23isie mubo, nawe mwisie, mbu bakholelwe obulala obulamba; eshialo shimanye mbu niwe owaruma, khandi mbu wabaheela, shinga olwa waheela isie. 24Papa, abo aba wambeelesia, enzenya mbu ewa endi isie, nabo bosi babeyo ninasi; mbu balole oluyali lwanje olwa wambeelesiye; shichila wa'heelanga, eshialo olwa shiali nishishili okhuupwa omuse ta. 25E Papa omulunjishi, eshialo shishiakhumanya ta; ne isie ndakhumanya; ne bano bamanya mbu niwe owaruma; 26nasi ndabamanyia eliiralio, khandi ndalalimanyisia; mbu obuheeli obwa wa'heela bube mubo, nasi mubo.
ទើបបានជ្រើសរើសហើយ៖
Yohana 17: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
