Genesis 11
11
Omunaara kwaBabeli
1Ne eshibala shiosi shialinji shiolulimi lulala khandi okhuboola khulala. 2Ne olwa bali nibachendanga nibatsia ebukwe banyoola omuhololookhwe mushialo shiaShinari; nibamenyayo. 3Nibasungana abeene bari Chende khulonje amatofali nende okhukasamba bulayi. Kho bali nende amatofali mushilenje shiamachina, khandi ilami niyo eyali litoyi liabwe. 4Nibaboola bari Chende khuumbashe olukala, nende omunaara okwa obutenje bwakwo buule mwikulu, mana khwinyoolele abeene eliira; mbu khuleshe okhusalaasibwa hosi hosi khushibala shiosi. 5OMWAMI niyeekha mbu alole olukala nende omunaara ebia abaana babandu bali niboombakhanga. 6OMWAMI naboola ari Lola, nabandu balala, bosi bali nende olulimi lulala; kho nolwa bachaaka okhukhola; shibaliba nende likhuwa elia beenya okhukhola mana bakaywe tawe, khukosi aka bareelekhwo omwoyo okhukhola. 7Chende khwishe khukoyaasie olulimi lwabwe, mbu baleshenje okhuhulilisania okhuboolana khwabwe. 8Kho OMWAMI nabasalaasia okhutula yaho mushialo shiosi; nibalekha okhuumbakha olukala tsana. 9Kho niko akachila nilukulikhwa eliira mbu Babeli; okhuba yaho niho aha OMWAMI yakoyaasilia olulimi Iweshialo shiosi; nokhurula yaho OMWAMI yabasalaasia mushialo shiosi pe.
Tsinzibulo tsiaShemu
(1 Akets. 1.24-27)
10Tsino nitsio tsinzibulo tsiaShemu; Shemu yali owemiyika eshikhumi, niyeebula Arapakhashadi emiyika chibili inyuma womuyembo. 11Naye Shemu yayindila emiyika ebikhumi biraano niyeebuule Arapakhashadi, niyeebula abaana abasiani nende abakhaana.
12Naye Arapakhashadi yayindila emiyika amakhumi kataru nachiraano, niyeebula Shela; 13Arapakhashadi nayindila emiyika ebikhumi bine nende chitaru niyeebuule Shela, niyeebula abaana abasiani nende abakhaana.
14Naye Shela yayindila emiyika amakhumi kataru, niyeebula Eberi; 15Shela nayindila emiyika ebikhumi bine nende chitaru niyeebuule Eberi, niyeebula abaana abasiani nende abakhaana. 16Naye Eberi yayindila emiyiKa amaKnuml kataru nende chine, niyeebula Pelegi; 17Eberi nayindila emiyika ebikhumi bine nende amakhumi kataru niyeebuule Pelegi, niyeebula abaana abasiani nende abakhaana.
18Naye Pelegi yayindila emiyika amakhumi kataru, niyeebula Reu; 19Pelegi nayindila emiyika ebikhumi bibili nende shienda niyeebuule Reu, niyeebula abaana abasiani nende abakhaana.
20Naye Reu yayindila emiyika amakhumi kataru nende chibili, niyeebula Serugi; 21Reu nayindila emiyika ebikhumi bibili nende musaafu niyeebuule Serugi, niyeebula abaana abasiani nende abakhaana.
22Naye Serugi yayindila emiyika amakhumi kataru, niyeebula Nahori; 23Serugi nayindila emiyika ebikhumi bibili niyeebuule Nahori, niyeebula abaana abasiani nende abakhaana.
24Naye Nahori yayindila emiyika amakhumi kabili nende shienda, niyeebula Tera; 25Nahori nayindila emiyika eshikhumi nende ekhumi nashienda niyeebuule Tera, niyeebula abaana abasiani nende abakhaana.
26Naye Tera yayindila emiyika amakhumi musaafu, niyeebula Aburamu, Nahori, nende Harani.
Tsinzibulo tsiaTera
27Kho tsino nitsio tsinzibulo tsiaTera. Tera yeebula Aburamu, nende Nahori, nende Harani; Harani naye niyeebula Loti. 28Mana Harani nafwa olwa Tera samwana yali nashiliho, mushibala eshia yeebulilwamwo, mbu Uru yabaKalidayo. 29Aburamu nende Nahori nibaleera abakhasi; eliira liomukhasi waAburamu niye Sarai; neliira liomukhasi waNahori niMilika, omukhaana waHarani, niye samwana Milika khandi nisamwana Isika. 30Ne Sarai yali omukumba; shiyali nomwana ta.
31Mana Tera yabukula Aburamu omwanawe, nende Loti omwana waHarani, omwitsukhuluwe, nende Sarai nyakhufialanyene, omukhasi waAburamu omwanawenarula ninabo muUru yabaKalidayo, okhutsia mushibala shiaKanaani; niboola eHarani, nibamenyaho. 32Tsindaalo tsiaTera tsiahela emiyika ebikhumi bibili nende chiraano; mana Tera yafwila eHarani.
ទើបបានជ្រើសរើសហើយ៖
Genesis 11: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975