Genesis 10
10
Tsinzibulo tsiabaana baNoa
(1 Akets. 1.5-23)
1Kho tsino nitsio tsinzibulo tsiabaana baNoa, nibo Shemu nende Hamu nende Yafetsi; nabo nibeebula abaana abasiani inyuma womuyembo okwo.
2Abaana baYafetsi mbabano; mbu Gomeri, Magogu, Madai, Yawani, Tubali, Meshekhu, nende Tirasi. 3Nabaana baGomeri mbabano; Ashekenazi, Rifatsi, nende Togama. 4Nabaana baYawani mbabaulo; Elisha, Tarashishi, Kitimu, nende Dodanimu. 5Bano nibo aba tsinjinga tsiamahanga tsiakabulwa khubo nitsiba ebibala biabwe; buli bandu khululimi lwabwe, khubilibwa biabwe, mumahanga kabwe.
6Nabaana baHamu mbabano; Kushi, Misiri, Putu, nende Kanaani. 7Nabaana baKushi mbabano; Seba, Hawila, Sabata, Raama, nende Sabateka nabaana baRaama; Sheba, nende Dedani. 8Kushi niyeebula Nimirodi; naye nachaaka okhuba omululu mushibala. 9Yali omuyiitsi omululu imbeli w; khulwako kaboolekha kari Shinga Nimirodi, omuyiitsi omululu imbeli wOMWAMI. 10Obwamibwe bwachaachila eBabeli, nende Erekhu, nende Akadi, nende Kalene, mushialo shiabaShinari. 11Ne yamla mushibala shieneshio niyeenjila muAshuru, niyoombakha Ninewe, nende Rehobotsi-iri, nende Kala, 12nende Reseni, hakari waNinewe nende Kala (nilio litaala likali elo). 13Misiri niyeebula Ludimu, nende Anamimu, nende Lehabimu, nende Nafatuhimu, 14nende Patsurusimu, nende Kasaluhimu (nomwa abaFilisiti barula), nende Kafatorimu.
15Kanaani naye niyeebula Sidoni, omwanawe owambeli, nende Hetsi; 16nabaYebusi, nabaAmori, nabaGirigashi; 17nabaHiwi, nabaAraka, nabaSini; 18nabaArawadi, nabaZemari, nende abaHamatsi; olunyumakhwo ebilibwa biabaKanaani biasalaana hosi hosi. 19Olwakho lwabaKanaani nalwo lwachaachila eSidoni nohenjile okutsia eGerari, nende okhuula eGaza; nohenjile okutsia eSodomu nende Gomora nende Adama nende Zebomu, okhuula khuLasha. 20Bano nibo abaana bai Iamu khubilibwa biabwe, khandi khunimi tsiabwe, mubibala biabwe khandi mumahanga kabwe.
21Naye Shemu, saabwe abaana bosi baEberi, niye omwana wabwe Yafetsi omukhulundu, yesi yeebula abaana. 22Abaana baShemu mbabano; Elamu, Ashuri Arapakhashadi, Ludi, nende Aramu. 23Nabaana baAramu mbabano; Uzi, Huli, Getseri, nende Mashi. 24Naye Arapakhashadi niyeebula Shela; Shela niyeebula Eberi. 25Naye Eberi niyeebula abaana abasiani babili; eliira lioundi niye Pelegi, okhuba mundaalo tsitsie eshibala shiakabukhasibwa; neliira liomwana wabwe niye Yokitani. 26Yokitani niyeebula Alamodadi, Shelefu, Hazari-mawetsi, Yera; 27Hadoramu, Uzali, Dikila; 28Obali, Abimaeli, Sheba; 29Ofiri, Hawila, nende Yobabu; bano bosi nibo abaana baYokitani. 30Khandi olumenyo lwabwe lwalinjiho okhurula eMesha nohenjile okutsia eSefari, mushialo shiebikulu shiebukwe. 31Bano nibo abaana baShemu, khubilibwa biabwe, khandi khunimi tsiabwe, mubibala biabwe, khandi mumahanga kabwe.
32Bino nibio ebilibwa biabaana baNoa, khunzibulo tsiabwe mumahanga kabwe; ne khubano amahanga kakabulwa mushialo olunyuma Iwomuyembo.
ទើបបានជ្រើសរើសហើយ៖
Genesis 10: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975