Máákuusə Tónsó Ŋkəŋ sʉ́ʼʉ Yěsô Kristo yɛ́ Máákuusə kɛ ŋweʼe nɛ́
Tónsó Ŋkəŋ sʉ́ʼʉ Yěsô Kristo yɛ́ Máákuusə kɛ ŋweʼe nɛ́
A ndzɔ́ʼɔ́ ŋkɔŋɔ pɛ cʉrí sʉ́ʼʉ yíkwa náá, ye Máákuusə vʉ́ʉ́ mbó nzúŋ ntsɛ́ɛ́ ŋkɔŋɔ yé náá. Mbziʼe yɛ́ pe ŋwɛ́ʼɛ́ wé nɛ́ ké mbɛ́ɛ́ ye mbziʼe ndzɔ́ʼɔ́ pɛ cʉrí sʉ́ʼʉ. A taʼ Ŋkəŋ sʉ́ʼʉ yɛ́ a kɛ pɛ ne ndzyé yé, pe máʼá pwó pɔŋ Kristo pɛ́ pɔ́b kɛ pe pɛ Yúda nɛ́ pó.
A ndzó ŋweʼe Máákuusə, a pó pé ŋweʼéme mbziʼe njʉ́ pé kɛ pfɛ́ Yěsô nɛ́ pó, kii pó ntsɔ́ no ndzáʼa njʉ́ a kɛ pe Mɔ́ŋ meŋkhó nɛ́. Póʼ ŋweʼe Máákuusə ké ndzyéé ne faʼ pɛ Yěsô kɛ faʼ nɛ́. Ndzó ŋkɔŋɔ póʼ ŋweʼe náá, pe zoʼo ŋgâ Yěsô Mboʼmvé ŋgaŋafaʼ pfúŋɔ́ pumésɔŋ pe pɛ pɔ́b tse njʉ́ ŋgəʼo nɛ́. A záá ŋkhoʼ yɛ́ a fáʼa pwɛ ŋgíŋgyé pe nɛ́.
Ŋkhoʼyɛ́ pe mě fûne Ŋkəŋ sʉ́ʼʉ yɔ́ŋ yɛ́ Máákuusə kɛ ŋweʼe nɛ́, mbǒ tɛɛmbɛ pé tsɔ́ njʉ́ ntsɛ́ssó pɛ kaŋátó pɛ Roma kɛ nsó nɛ́: «Yěsô ŋɔŋ Nǎzarɛd wɔŋ ndáá Mɔ́ŋ Mboʼmvé.»
A kɛ ŋwéʼé wɔ ŋwéʼé Ŋkəŋ sʉ́ʼʉ yɔŋ?
A kɛ ŋweʼe Máákuusə ŋweʼe ŋkəŋ sʉ́ʼʉ yɔŋ, ndzɔ́ʼɔ́ yɔ́b ŋgǒʼmvé ghúbmétaŋ ne yítaŋ pú ŋgǒʼmvé ghúbmétóó ne yítaŋ. Máákuusə kɛ pe pɛ nzɔ́ʼɔ́ ntsɔ̌b ŋgíŋgyé Yěsô yípáá pó. Ntsʉʼmbé, a tsóó njʉ́ a kɛ tyáŋa Pɔ́lə ŋkhoʼyɛ́ a kɛ nyí sɔ́ kɛ́ɛ́ ne ncʉríne ŋkəŋ sʉ́ʼʉ pwó mvémvé nɛ́.
A kɛ ŋweʼɛ pwó wɔ? A kɛ ŋweʼe ŋkyé kɔ́?
Máákuusə ŋwɛ́ʼɛ́ ne nsóne pwó ŋkɔŋɔ pɔŋ náá ŋgâ Mboʼmvé yúŋú kaʼ yɛ́ a kɛ kaʼa ne pɔ́b nɛ́, ndzáʼa mbəb Yěsô. Yânéré ŋgâ pe cʉrí ŋkəŋ sʉ́ʼʉ yéré pwó ŋkɔŋɔ mvémvé náá.
Pé tsɔ̌ ŋgâ kɔ́ ndzó ŋweʼe Máákuusə?
Ŋweʼe Máákuusə nyóʼó ŋgâ Yěsô Mɔ́ŋ Mboʼmvé, mbɛ njʉ́ a kɛ psyɛ́ mbé ŋuŋmesɔŋ, mbó ndzoʼo ntswee Mboʼmvé nɛ́. A zhyɛ́ yéré ndzyene ne sɔ́ kaŋ ŋweʼe, pe tsɔ́ njʉ́ Yěsô nyi mbɛ́rɛ́ ŋuŋmesɔŋ ye, mbó ntsɔ́ no ne tʉ̌ŋ Mboʼmvé nɛ́. Ywoʼ zááme ndzó yɛ́ pe zhʉ́ Yěsô a pɛ́rɛ́ ghaŋághɔŋ nɛ́, ne pecyó pɛ Yěsô tsɔ́ pwɛ pɔŋ shʉyɛ̂ pɛ pɔ́b twɔ́ ndzó pɛ mbaʼ mvé nɛ́. Kurɔ́ tónsó Máákuusə pɛ́ɛ́ ŋgâ Yěsô Mboʼmvé, ntsó tsetsɛrɛ pɔŋ pe, ŋgebɛ́ wɔ́b ndzɔ́ʼɔ́ ŋgəʼo.
A ndzó sɔ́ pɛ́rɛ́ póʼ ŋweʼe yɔŋ, Yěsô zhyɛ́ njʉ́ a tsé mbé zɔŋɔ ŋgâ pe fɛ́d ndzé ŋɔŋ wɛ́ a ye nɛ́ pó. Ntsʉʼŋgɛ ŋkhú ne cyó péré, Máákuusə zhyɛ́ ŋgâ pe cʉ̌yi nzee ŋgâ Yěsô Mɔ́ŋ Mboʼmvé.
Mbziʼe njʉ́ Máákuusə kɛ nteŋe ŋweʼe yé ntíí nɛ́
Ŋweʼe Máákuusə tsúŋúme pe kaʼa:
Tónsó: 1:1-13
Faʼ Yěsô ndzó pɛ́rɛ́ ŋgɔŋ Galílya: 1:14–7:23
Yěsô fɛ́ ntʉ́ʉ́ ndzó pɛ mbɛ́lʉ́ŋ: 7:24–10:52
Faʼ Yěsô Yerʉ́salɛm pwɛ ŋgəʼo yɛ́ a kɛ zhʉ́ mbɔ́rɔ́ pfɔ́ nɛ́: 11:1–16:8
Yěsô nyoʼ mbəb ye pwó Malya wɛ́ pe kɛ fú ne Matali nɛ́: 16:9-20.
ទើបបានជ្រើសរើសហើយ៖
Máákuusə Tónsó Ŋkəŋ sʉ́ʼʉ Yěsô Kristo yɛ́ Máákuusə kɛ ŋweʼe nɛ́: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល