Lúkasa Nibíŋínín ná mbɔbɔnɔ
Nibíŋínín ná mbɔbɔnɔ
Lukasa mabá tɔ́bítɔ, Pólo mabá ogúl wa. Lukasa dɛmabá wa Beyúdɛn, ta Ɔfɔ́nɔfɔ́n wa Yésu, udɛmɔsɔ́dɔn sɔ́n ɔlɔŋ na Yésu. Buád buanda umóol wófón, uwedímílile aga band bámáanaán Yésu na eŋís yɔ́b yá bɛ́muat, na anyɛ́ Yésu mɔ́ɔsɔ́dɔɔ́n egegus (1.1-4), ká úsién wɔ́ŋɔ́ Ndág ya Nsɔ́m.
Gá guán gá Lukasa, Yésu nyɛ ewe ubílénené ebe ɔbɔ́ band diɔ́gɔ́lɔnɔ́ bɔ́ gianta gá buanda, band anyɛ: Basɔ́gasɔga, na bagánd, na bábayɔ. Uwɔ́ Gɔdányá, uwuúl gá gusódi band gidigid, Beyúdɛn na basuá band bóndodi. Lukasa guamba guɔyɛdɛn band gubanyɛg gá guádáb ugú bádábaná Kilíse na anyɛ́ guádáb uguány ságuman gusans na gus gidigid. Buád buanda umɔ́ɔŋ imbɔbɔnɔ íyandɛ, umɔ́ɔŋɛ́n dɔ́mbádɔ́mba gigúmín n gá mɔnd anyɛ Teyofíle imbɔbɔnɔ isiány gidigid: Na Ndág ya Nsɔ́m, na Bielínyélínyé bá Bedúmeb, gá gúdíye band ká, Kilíse nyɛ osód band.
Gá imbɔbɔnɔ sá nɛlad nɛgɔ́s gidigid, Ndág ya Nsɔ́m guɔ́ŋ gá Lukasa nyɛ guya gudɔ́mb síndodi. Igúbanyɛgaan guɔyɔ nubiényé ná Kilíse (1-2); nɔgɔgɔ nág (3.23-38); nduén yaga (3.21); yɔɔ́bɛ́dɛn yág (4.1-13); buól bág (4-21); gɛsanda gág agá ɛgɔnɔ (22-23); guám gág agá gɛbɛl (24).
Gá guamana gá mbɔbɔnɔ yaga, Lukasa guɔ́yɔ anyɛ́ Yésu méeluménén na bafɔ́nɔfɔ́n bág bɛsɛgɛl giod, ány umámaná guanyɔg aga ebeguén, uwadábɔ́na bɔ́ ká bɔ́yɔn band Ndág ya Nsɔ́m. Gá gúsúgúdenyi, Lukasa guɔyɛd anyɛ́ Gɔdányá méebúlígí Yésu ugumuana.
ទើបបានជ្រើសរើសហើយ៖
Lúkasa Nibíŋínín ná mbɔbɔnɔ: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល