Galát Nibíŋínín ná mbɔbɔnɔ
Nibíŋínín ná mbɔbɔnɔ
Mbɔbɔnɔ eye Pólo ɔ́ŋɔnɔ́ nyɛ gá beédéb gidigid bányá agá giéns gá gus bábɛ́laná ká Galasí. Didigúlɛnsaan ɔ́gɔ inyɛ gá giéns gá gus ugú umáabá umɔ́yɔ́lɔ́ (Bie 16.6; 18.23) ɔ́gɔ giéns gíndodi gɛmuaná wa egie. Ɔduɔ́ wag wá buóny nyɛ ká, únusenyi gufúnyifuni guádɔ́gananá. Gúgú guád gumóodóndónyí band bá Galasí. Bádɛ́lɛnsɛ ímábá guládan bisele na bisúŋígin bá Beyúdɛn, ɔ́gɔɔ́ gubá filí gá guala ta giág ta giág. Befúnyifúny bóndodi bányá mband Beyúdɛn mɔyɔ́ ká Bagalát bádiábá mband Beyúdɛn ágúbianan ká báládaan bisele bá Beyúdɛn, bónd bábiánsa ká bábád gusɛmɛdɛn Gɔdányá.
Agá ɛduá (1-2) Pólo uwebídímbíginin agá bugaga bág bá edúmeb gá guen gufúnyifunyi uguány gúdiábá meliŋítas. Agá ɛduá (3-4), umefúnyifúnyí mband gufúnyifunyi guɔ́yɔnɔ ká: Mɔnd guúleen ndényé agá eŋís yá Gɔdányá agá guádáb ugú wádábaná Yésue Kilíse, saá gág gá bielínyélínyé. Búnyɛ buóny bá gɛfɔn gá Gɔdányá, saá gufuógonyi gá bisele.
Gá guman, agá ɛduá (5-6), uwagálá buóny bá bufilí ubú Gɔdányá éŋené ebe bádábaná Yésu Kilíse. Bufilí ubuány dɛbá ká bɔ́sɔ́dɔɔn agá bɛsɛmɛ́dɛ́n bá nuɔ́l, búnyɛ ká bɔ́sɔ́dɔɔn agá gubílénenin bɔ́bɔ́ na bɔ́bɔ́ agá bugaga bá Ɛsámb yá Mfúny. Pólo égudíye guádɔ́gan gúnyá na biád bá manda ɛbɛ́ nuɔ́l álaná na bɛnɔ́g bá manda ɛbɛ́ Ɛsámb yá Mefúny álaná agá gusɔ́d gá eŋédeb.
ទើបបានជ្រើសរើសហើយ៖
Galát Nibíŋínín ná mbɔbɔnɔ: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល