2 Kɔlɛntiɛ́ŋ 13
13
Gubiés gá gusúgúdenyi
1Gɛsɛgɛl gá gádɔdɔ egie ngenuúl aganuá. Buanda gidigid gabɛ́sɔ́mb agá gugál gá bél bɛ́laluá bándɛ, gúmén bádadɔ gɔɔ́g anyɛ́ Musámb má imbɔbɔnɔ ɔ́yɔnɔ́#13.1 Alɛ́ŋɛ́d Det 17.6; 19.15. 2Ubú imɔ́ɔyɛ́dɛ́n ká ebe bámáal gɛfal gá ɔŋɛnd wám wá gándɛ, imánd guɔyɛdɛn bɔ́ bú, ta banuá bómodió ta anyɛ́ ndiábáná aganuá. Anyɛ́ nganuánd guúl aganuá, ndɛgaán wádɛ́na gɔsɔ́g. 3Anyɛ́ gúnyá ká nuguámba gɔlɛns cácácá ká Kilíse ugálaná agám gá niíd, nugalɛns. Udɛbá mɔnd udiábiánáná bugaga, ugúdíyenyi bugaga bág aganuá. 4Búnyɛ nɔ́ ká, anyɛ́ bámáasánd wɔ́ agá kolós udɛmabá na bugaga, nɛ́nuán gɔg, ugúsɔdɔn agá bugaga bá Gɔdányá. Basuá sɔ́n dɛdɛbá na bugaga gágual ká dɛnyɛ bulada naga, ta anaány, digúsɔ́dɔn naga agá bugaga bá Gɔdányá, na bugaga ubuány diganuála buol aganuá. 5Énubígúlúményí banuá muát, nuán ímábá nugúsɔ́dɔɔn anyɛ beédéb, ánuál yɔ́bɛ́dɛn yá gusɔ́d gán banuá muát, saá Yésu Kilíse gúsɔ́dɔn agán gá duɔ́l a? Asiá nudɛbá bégúdíye ká numáadáb. 6Ngúbɛ́dága ká nugaán ká basuá dɛdɛɛ́gugua yɔɔ́bɛ́dɛn. 7Digúbísógólonyi Gɔdányá ká nudiál ta bɔbɛ búmoom; didiguámba gudíye ká buol bás aganuá nyɛ bese. Diguámba ká dínuánan nuala bese, ta búlɛ́ŋanɛn anyɛ dígugua yɔɔ́bɛ́dɛn. 8Gágual ká dɛdɛbá bégúnusenyi meliŋítas, gɔɔ́gɔ gá mɔ́ dialaná manda. 9Dinyɛ agá bidɔdɛn bɛsɛgɛl gidigid dinyá kand bugaga, banuá na bugaga. Digúbísógólonyi gán ká núbá bagɔ́nɛ́nán. 10Buád buanda inuɔ́ŋɔnɔ́ manda amaány gɛsɛgɛl imányá ayáyá nanɔ. Ndɛguámba ká anyɛ́ nganúsiáma, mbányɛg gunúgálaan na ɔdɔndɔ, bugaga Ɔgúnɔ́ máamfá nyɛ ká ngúnínenyi guádáb gán, saá ká ngáda#13.10 Alɛ́ŋɛ́d Sel 1.10.
11Ndɛbá andɔ nubɔ́guɔyɛd, belimen bám bá guádáb, ánubá agá bɛdɔdɛn, Énudényígényí manda mán anyɛ́ guófonó, nuáganɛn makánya, nuáman ekelu, núsɔ́dɔɔn agá bumben. Númaála anaány, Gɔdányá ulɛ́ganá band, wond wéŋeen bɔ́ bumben gabá nanɔ. 12Ɔ́nubígɔ́lɔɔ́n nŋund anyɛ belimen agá guádáb gá gúbígélínyigelinyi, beédéb gidigid ménúbígélídí. 13Nsɛ́ bese wa Ɔgúnɔ́ Yésu Kilíse, ɛlɛ́ga yá Gɔdányá na Ɛsámb yá Mefúny yálaná ká dɛ́bá bulada, bá nanɔ.
ទើបបានជ្រើសរើសហើយ៖
2 Kɔlɛntiɛ́ŋ 13: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល