Galát 1
1
Mbígélid
1-2Yaŋuá Pólo edúmeb ndɔ́maná mbɔbɔnɔ eye, ɔlɔŋ na belimen bám báguádáb. Nguɔ́ŋɔɔ́n beédéb bá ɛnyɛb sɛ́nyá agá giéns gá gus bábɛ́laná ká Galasí. Ndɛbá edúmeb agá bugaga bá mɔnd, Saá band bámáandág edúmeb. Yésu Kilíse na Babá Gɔdányá bámáandág. Wád Yésu Gɔdányá méenyúgí aga ebeguén. 3Nsɛ́ Babá Gɔdányá na Ɔgúnɔ́ Yésu Kilíse nɔ́fɔ́n, bónd bánúfá bumben! 4Kilíse mebiéŋín ká Gɔdányá dɛ́tɛ́nɛn bɛfal bás. Umáal anaány ká manda amabɛ́ má gus diánd gúdímányɛ́ganɛn gɔɔ́gɔ anyɛ́ Babá Gɔdányá méebílén ká waál. 5Nugúm bá aga Gɔdányá na bánamana, anaány.
Ndág ya Nsɔ́m nyɛ táŋ imoom
6Nugúnkémenyi anyɛ́ nunyá gubɛ́yɛ́bɛd Gɔdányá fiaŋ-fiaŋ, ɔwɔ́ umáanɔ́bɛ́lɛ́gɛ́n ká núbá band bág agá bese wá Kilíse. Uwond uwanɔ́fɔ́n gá gilé agá bese wá Yésu. Núgubɛ́yɛ́bɛd wɔ́ ká nɔ́lád Ndág ya Nsɔ́m ɛyɛ́ nɔbɛ́dáganá ká inyɛ bese. 7Gá guán, Ndág ya Nsɔ́m imodió dɛbá. Band nyɛ kɔ́ bénúbueŋenyé, bámba gunúgúne Ndág ya Nsɔ́m ɛbɛ́lɛ́ŋaná Kilíse. 8Mɔnd ménúgún Ndág ya Nsɔ́m ɛyɛ́ basúa dɛmɔ́ɔnuɔ́yɔɔ́n, nsɛ́ Gɔdányá lɔ́m wɔ́, ta búbá basuá, gúmén ɛngɛlɛs ya Gɔdányá wúleniné ugumuana. 9Disaman gunuɔ́yɛdɛn bú, búbue yondidononyó nɛ́nuán: Mɔnd mɔ́nuɔ́yɔɔn Ndág ya Nsɔ́m inyá sáŋal na ɛyɛ́ dɛmɔ́ɔnuɔ́yɔɔ́n, nsɛ́ Gɔdányá lɔ́m wɔ́. 10Ndɛguámba ká band ánkanya, nukany ná Gɔdányá yambaná. Ndɛguámba ká band áŋánaan bese. Ímábá imányá guamba ká báŋánaan bese, gesí ndɛbá eŋél buol wá Kilíse.
Nanyá Pólo mɛ́ɛy ɔfɔ́nɔfɔ́n
11Belimen, nguámba ká nɔ́lɛ́ns ká Ndág ya Nsɔ́m imɔ́ɔnuɔ́yɔɔ́n dɛbá mbɛ́dágɛ́dɛ́n yá mɔnd, 12saá mɔnd uméendúmbínyí yɛ́, wádɛ́na dimemfúnyifunyi yɛ́, Yésu Kilíse muát muatia umáandámbɔ́nɛ́n yɛ́. 13Numɔ́ɔbɔɔ́n anyɛ́ bámáabá bɔ́yɔ gubá gám gá nsua, gɛsɛgɛl imáabá mbɛ́kányɛ́naan gá gúládaan gá giádábɛ́n gá Beyúdɛn. Nulɛnsaan nɛnama ná ɔndɔndɔ ɛnɛ́ imáabá nsésenyi biɔ́b bá beédéb bá Gɔdányá, yamba ká ngáda bɛ́. 14Imabá mbɛ́kányɛ́nan gá guala manda giádábɛ́n gá Beyúdɛn máabá giófoon gɔdɔ́mb belimen bám bá nɛnama; imabá mbiéŋén gɔdɔ́mb bɔ́ gá bisúŋígín bá besié bá besié bás. 15Ta anaány, Gɔdányá agá bese waga mabá umáman gundɔ́bɔ́n imányɛ agá duna dá iná. Uwambɛ́lɛ́gɛn agá gɛsɛgɛl ɛgɛ́ uméebílén, 16ká wúŋlinsi Mɔɔn waga, nɛnama nɛ́nyá ndúmbenyinyi ebe bádiábáná Beyúdɛn Ndág ya Nsɔ́m ɛbɛ́lɛ́ŋaná wɔ́. Anyɛ́ umáambɛ́lɛ́gɛ́n, ndɛmab guán mɔnd. 17Ta Yelúsalɛm ndɛmab sɔ́n ká yaán ebe bámáabá bedúmeb gisiosio gám; iyedúmbi gɔb kɔɔ́m bábɛ́laná Alabí, agá gélem ány iyosiónd Damás. 18Agá gélem gá duɔŋ dúdadɔ mmásɛɛ́b Yelúsalɛm gá guán Piéle, idiedúmbi medug bunyo ɔlɔŋ naga. 19Ndimáan edúmeb ondodi, asiá Sáka endimen Ɔgúnɔ́#1.19 Sáka endimen Ɔgúnɔ́ mabá gɛgɔ́g gímodió agá giɔ́b gá beédéb bá Yelósalɛm.. 20Agá ɔfɛ́n wá Gɔdányá, buanda yɔ́ŋɔnɔ́ aya nyɛ meliŋítas gɛsɔbɔ dɛ́bá kɔ́. 21Agá gélem ány, iyɛɛb agá biéns bá gus bábɛ́laná ká Silí na Silisí. 22Biɔ́b bá beédéb bá Kilíse bínyá agá giéns gá gus bábɛ́laná ká Yudé mabá bɛ́mányɛ bɛ́dɛŋán ta na eŋís; 23bɛ́mabá biɔ́bɔɔn guɔ́bɔɔn moóny ɔmɔ́ band bóndodi máabá bɔ́yɔ gám góbusió ká: «Mɔnd unyá gubá udióbígonyí nsua ganyá guɔyɔɔn band Ndág ya Nsɔ́m unyá guamba gusɛŋɛn nsua.» 24Anaány biɔ́b bá beédéb ibiány méegúményí Gɔdányá gám góbúsió.
ទើបបានជ្រើសរើសហើយ៖
Galát 1: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល