Efesiɛ́ŋ Nibíŋínín ná mbɔbɔnɔ
Nibíŋínín ná mbɔbɔnɔ
Pólo mabá agá gians gá mbíne, búmabá bágubá Lóm anyɛ́ umɔ́ɔŋɔ́ mbɔbɔnɔ eye. Agá gɛsɛgɛl giád igiány, umɔ́ɔŋɔ́n beédéb bá Kolós na mɔnd anyɛ Filemɔ́ŋɔ. Pólo mɔ́ɔŋɔ́n beédéb bá Efɛ́s ká bálɛ́ns ká bányɛ «Aga Kilíse», na nɛnama ná bɔnɛ́m bábiananá nyɛ gɛfɔn gá Yésu Kilíse, na ká báb gá gúsɔ́dɔɔn gusɔ́d gúnyá ká Gɔdányá ɔ́bɛ́n bɔ́ bese.
Mbɔbɔnɔ eye nyɛ aŋaf ándɛ na ɛduá sá moóny íyandɛ. Agá ɛduá (1-3) Pólo uwagálá buóny bá bulinsi bá eŋédéb na bese wánɛ́ganá kɔ́. Agá ɛduá (4-6) uwéŋeen beédéb isɔ́m yá gual ká bɔ́sɔ́dɔɔn nɛnama nɛ́sɛ́gɛmananá na bese uwány.
Pólo medúmbí gianta gá gɛsɛgɛl agá tísɔn uwɔgɔ́n wá Efɛ́s, umabá udúmbenyi Ndág ya Nsɔ́m, wala mesey, wond ufúnyifunyi beédéb, alɛ́ŋɛ́d (Bielínyélínyé bá Bedúmeb 19). Búnyɛ anyɛ umadɔ́mánɛ́n giod gá biɔ́b bá beédéb bínyá agá giéns gá gus gá Efɛ́s mbɔbɔnɔ eye, saá giɔ́b gá beédéb gá Efɛ́s gusúg. Ɛdɛbá góbusió bá giɔ́b gímoom, uguɔ́yɔ buɔ́ny bá gusɔ́d ugú Gɔdányá bílénené, góbusió bá beédéb gidigid, gusiám agá mɔɔ́s más má ínen.
ទើបបានជ្រើសរើសហើយ៖
Efesiɛ́ŋ Nibíŋínín ná mbɔbɔnɔ: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល