2 Kɔlɛntiɛ́ŋ 12
12
1Búguófoon ká mbiɔ́yɔ ta anyɛ́ búdiábáná bese. Ngɔguɔ́yɔ nɛ́nuán manda Ɔgúnɔ́ méendíyényí, uwond uwenlinsi gúsigúsié wa mɔ́. 2Ngúlɛnsaan kilísitɛn omodió umáabɔ́lɛ́g ugumuana muaná búgányɛ duɔŋ duát na dúní. Ndɛgɔ́lɛnsaan meliŋítas ímábá umabá na nuɔ́l nág, gúmen kand nuɔ́l nág, Gɔdányá uwɔ́ eŋényé ulɛnsaná. 3-4Ngúlɛnsaan ká mɔnd uwaány mabɔ́lɛ́g, uwɔb agá paladís. Ta búnyɛ ká umabá na nuɔ́l nág e? Ta udɛmabá na nu e? Ndɛgɔ́lɛnsaan, Gɔdányá gɔg ulɛnsaná. Uguány, uwɔɔ́b gugál mɔnd diábáná bóguondidonyi, mɔnd digúbianan bugaga ká wɔ́yɔ gú sɔ́n. 5Inyɛ bɔ́gúbiɔ́yɔ góbusió bá mɔnd uwaány. Gá giáy gɛ́ŋlɛ́ŋaná, ngɔbiɔ́yɔ gá manda médíyenyé ká ndɛbá na bugaga. 6Ímábá nguámba gɔg gubiɔ́yɔ, gesí gugál ngálaná dɛbá gá gieg; gesí gɔɔ́g meliŋítas yɔyɔnɔ́. Ta anaány, ngúbiádɛganɛn gágual ká ndɛguámbá ká mɔnd ɔ́ngɔ́lɔɔn gianta gá buanda gɔdɔ́mb anyɛ́ wuŋgɔ́lɔnɔ́ gɛsɛgɛl wánaná yala manda, gúmén gɛsɛgɛl wumbɛ́dɔ́lɛ́gɔnɔ́ ngála. 7Manda Ɔgúnɔ́ méenlinsí dɛbá na niɔy. Ta anaány buanda ubuáŋám agá nuɔ́l ká buál ká ndibíbúlígényí. Abádág eŋél buól wa Sátan omodió ká wúŋgide anaány ká ndibíbúlígényí. 8Iyobísógólonyi Ɔgúnɔ́ bɛsɛgɛl bídadɔ ká wúŋéli agá guɔ́bɛ́g uguány. 9Ta anaány, uganyɛ gám ká: «Bese wám abiananá gúsɛgɛmanan nɔ́w; bugaga bám gúbídíyenyi gɛsɛgɛl adiábiánáná bugaga.» Buád buanda búŋalaná bese ká mbiɔ́yɔ na kand bugaga bám, ká bugaga bá Kilíse bá agamia. 10Kányɛ yɔ́bɔnɔ́ bese na kand bugaga, na ɛnsɛgɛ, na meyú, na guɔ́bɛ́g, na ɛŋágɛ́nɛ́n mbiananá góbusió bá Kilíse. Búnyɛ nɔ́ ká, gɛsɛgɛl ndiábáná na bugaga, gɛsɛgɛl igiány gɔg bugaga óŋóloninó.
Pólo guágɛ́nan gá beédéb bá Kolɛ́nt
11Ngúgála alá nsaman guɛ́y ɔduɔ́ duɔ, ta anaány, banuá nunyá gual ká mbá anaány. Banuá nunyá gubá ká nuɔ́yɔɔn band buanda inyá. Gágual ká buanda dɛbá kɔ́ bambás bedúméb biananá ndiábiánáná, ta anyɛ ndiábáná buanda. 12Manda médíyenyé ká inyɛ mbanda edúmeb égubídíyenyi agá gadágadá wanɔ, manda anyɛ: Guɔ́mínɔɔn agá yɔ́bɛ́dɛn gidigid, bisey, na bigégén bá manda, na manda má bugaga. 13Giág biɔ́b bá beédéb bíndodió nyá gubia gunúdɔ́mb, asiá anyɛ́ iméen gubá gɛnɔ gán góbusió e? Anɔŋnɛ́nɛ́n gɛgua igiány. 14Yaŋuá ewe nganyá ndényé ká yiíl aganuá gá gɛsɛgɛl gá gádadɔ, ndɛganúbɛɛ́n gɛnɔ. Saá muonyi mán yambaná, banuá muát. Búnyɛ nɔ́, saá bábayɔ bábiananá bábɛ́dɛ́gaan muonyi gá besié, besié bábiananá bámba gá bábayɔ. 15Yaŋuá gɔg, inyɛ ndényé ká yéŋin buand gidigid mbiananá, yónd mbiéŋin yaŋuá muát gán góbusió. Ímédúmbídenyi gunúbíléné, nudigedúmbídenyi gumbílén sɔ́n a? 16Nugúlɛnsaan gɔg ká ndɛɛ́gɔbá gɛnɔ gán góbusió. Ta anaány, bómodió guɔ́yɔ ká inyɛ na nsiŋi taáa, ngúnúdámb na mebénd. 17Gá band imáadɔ́mán aganuá, omoom wɔbɔ menúnéŋ ká únúgɔ́lɛ́n buanda úsímfá e? 18Imobísógólónyí Títe ká wuúl aganuá, [iyadɔ́m wɔ́ na endimen wasɔ wa guádáb nulɛnsaná]. Títe menúnéŋ ká únúgɔ́lɛ́n buanda e? Saá buanda búmoom nám, naga dimɔ́ɔbígɔ́lɔɔ́n a? Idialádan nŋili imoom a? 19Nugúbɛ́dága ká feké ené anyɛ́ diságubanyɛg diguámba ká díbia nɛɛm agán góbusió e? Ágó, belimen bás bá ɛlɛ́ga, ogóbusió bá Gɔdányá dɛgálaná, dinyɛ ekelu ómoom na Kilíse, diguála manda amaány gidigid ká núgɔ́nɛ́n agá guádáb. 20Ngúdíne ká anyɛ́ nganúsiám aganuá, ínúfuɔg nusɔ́dɔɔn gusɔ́d gúdiáŋaláná bese, banuá sɔ́n núŋán agá edény údiánuáláná bese. Ngúdíne ká ngɔfuɔg manda anyɛ inségié, gubísésidenyi, ilób, insaŋ, ɛnsɛgɛ, gubíbúlígenyi, gudáganɛn, na gibueŋidie. 21Ngúdíne sɔ́n ká guúl gám aganuá, Gɔdányá ál ká mbia ɔduɔ́ gɔnɔ́ agán gá eŋís, ká mbáŋa góbusió bá giod bámányaná gɔbaan nobusió na guala bɛfal anyɛ nsuá, ebeén gubɛ́yɛ́bɛd manda anyɛ bíle, gubídɔ́bɔ, na buendid.
ទើបបានជ្រើសរើសហើយ៖
2 Kɔlɛntiɛ́ŋ 12: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល