Mabasa yoNhumwa 2
2
Kuuya KwaMweya Mutsvene
1Zvino zuva roPendekositi paridosvika, vese vanga vari pabodzi, panzvimbo ibodzi. 2Pakarepo nokamangu kuunga kudobva kudenga kunenge kwomhepo inovhuvhuta nosimba, kudozaza imba yese mavanga vadogarikika. 3Uye vadoona marimi yanenge yomoto, yachiparadzana nokuvhoda pamusoro poumwe noumwe wavo. 4Vese vadozaziwa naMweya Mutsvene ndokuthanga kunyaira noimwe mitauro, sekupasiwa kwavadoitiwa naMweya.
5Zvino paJerusarema panga padogara vaJudha vaicha Mwari kubva kunyika dzese dzopasi pano. 6Pavadonzva kuunga kwakareku gurusvusvu rovanhu ridoungana pabodzi, vadoshamisika maninge ndava umwe noumwe adovanzva vachinyaira nomutauro wache. 7Vadokanganisika vese nokushamisika, ndokuti, “Anga ivova vese vanonyairava mbaGaririyaba nai? 8Zvino seiko, umwe noumwe wedu tikuvanzva vachinyaira nomutauro wedu watidozvahwa nawo? 9VaPhatiya novaMidhiya novaIrami novanogara kuMesopotamiya, Judhiya noKapadhokiya, Pondasi noEzhiya, 10Firigiya noPhamufiriya, Ijipiti nomativi yonyika dzoRibhiya dziri panyasi noKurini, novarendo vadobva kuRoma, 11vaJudha novadopindukira kuchitendero chochiJudha, vaKhirete novaArabhiya, tinovanzva vachinyaira nomitauro yedu mabasa makurufutiyo yaMwari.” 12Vadoshamisika vese nokukanganisika ndokunyairirana vachiti, “Anga zvakarezvi zvinorevei?”
13Asi vamwe vadovanyomba vachiti, “Vakorewa nowaini vaimwitsa.”
Mharidzo YaPita
14Asi Pita, adomira novanogumi nomubodzi, adosumudza dzinga rache ndokuvaparidzira achiti, “Varume vokuJudhiya novese vanogara muJerusarema, rekai ndikutsanangurirei zvinhu zvakarevi motetekeretsa zvandinokunyepai. 15Nokuti varume vakareva havanai kukorewa sezvamuri kufunga imipa, zvadzichiri nguwa dzochipfemba dzomangwanani. 16asi zvakarezvi ndizvo zvidonyaihwa namuporofiti Juweri achiti,
17‘Mwari anoti mumazuva yokupedzisira,
Ndichadurura Mweya wangu pamusoro povanhu vese,
vanakomana venyu novanasikana venyu vachaporofita,
majaha yenyu vachaona zviratidzo,
noharahwa dzenyu dzicharota hope,
18Inde, kana nopamusoro povaranda vangu vanhurume novanhukadzi
ndichadurura Mweya wangu, mumazuva yakareyo vachaporofita.
19Uye ndichaita zvinoshamisa kudenga kumusoro,
nozviratidzo panyika pasi,
magazi, nomoto, nokupwititika kwoutsi,
20zuva richasanduriwa kuva rima
nomwedzi uchasanduriwa kuva gazi,
zuva raIshe rikuru rinoshamisa risinati rasvika.
21Zvino wese anodaidza kuzita raIshe achaponesewa.’
22Hama vaIzirairi, tetekerai mashoko yakareya, Jesu woNazareta, murume adoisiwa kwamuri naMwari nomabasa yosimba nozvishamiso nozviratidzo zvidoitiwa naMwari kuburikidza naye pakati penyu, sezvamunozviziva imipa pachenyu, 23Murume wakareyu Jesu, adoisiwa kwamuri maererano nourongwa chaihwo hwaMwari nokuziva kwache zviri kumberi, imipa mudomurovera pamuchinjikwa ndokumubaya kuburikidza nomanja yovanhu vadoipa. 24Asi Mwari adomumutsa, kubva kuvadopfa achimusunungura kubva kumahwadzo yoipfa, nokuti zvaikonekaba kuti ipfayo irambe idomubata. 25Nokuti Dhavhiti adonyaira pamusoro pache achiti,
‘Ndidoona Ishe pamberi pangu nguwa dzese,
nokuti ari kuruji kwangu, kuti ndireke kugwetedzewa.
26Nokudaro mwoyo wangu unofara
nochirimi changu chinofaritsa,
uyewo muviri wangu,
uchazorora mutariro,
27nokuti munosiyaba mweya wangu uri munzvimbo yovadopfa,
kana kutendera Mutsvene wenyu kuti aone kuora.
28Mudondizivisa nzira dzoupenyu,
muchandizaza nokufara muhuvepo hwenyu.’
29Hama vaIzirairi, ndinokunyairirai pachenu zvateteguru vedu Dhavhiti, kuti iye adopfa, ndokuvikhiwa, guwa rache riri pakati pedu kusvikira nasi 30Asi wanga ari muporofiti, waiziva kuti Mwari adomupikira mhiko yokuti achagadza pamupando wache woushe umwe wozvizvahwa zvache. 31adoona zvanga zvichidzouya pamberi, ndokunyaira pamusoro pokumuka kwoMuponisi, kuti
haanai kusiiwa ari munzvimbo yovadopfa,
nomuviri wache haunai kuona kuora.
32Mwari adomutsa wakareyu Jesu kubva kuvadopfa isisu tese tiri pfakazi dzozvakarezvi. 33Zvino paadosumudzihwa kujanja roruji raMwari, adopasiwa chipikihwa choMweya Mutsvene kubva kunaBaba, wadzodurura zvakarezvi zvamuri kuona nokunzva. 34Nokuti Dhavhiti haanai kukwira kudenga, asi iye adoti pachake,
‘Ishe adoti kuna Ishe wangu,
garikika kujanja rangu roruji,
35kusvikira ndaita vavengi vako chitsiko chotsoka dzako.’
36Zvino imba yese yovaIzirairi mbaizvizivitsitse kuti Jesu wakareyu, wamudorovera, Mwari adomuita zvese Ishe naMuponisi.”
37Zvino vanhu pavadonzva zvakarezvi, vadobaiwa pamwoyo ndokuti kuna Pita nodzimwe nhumwa, “Hama, anga manje toita tini?”
38Pita adoti kwavari, “Pindukai umwe noumwe wenyu aombekewe muzita raJesu Khirisitu kuti murekerehwe zvitema zvenyu, uye muchatambira chipo choMweya Mutsvene. 39Nokuti chipikihwa nyhenyu novana venyu, novese vari kurefurefu vachadzodaidziwa naIshe Mwari wedu.”
40Uye adopfakaza noyamwe mashoko mazinji achivayambira nokuvakohomedza achiti, “Zviponesei kubva parudzi rakareri ridoipa.” 41Zvino avo vadotambira shoko rache vadoombekewa, zuva rakarero vanhu vanoda kusvika kuzviuru zvitatu vadoingidzihwa kuungano yavo. 42Vadozvipira kudzidziso dzonhumwa nopakuwadzana, nopakukomora mazingwa, nopaminyengetero.
Mugariro Wovatendi
43Kucha kudouya kuvanhu vese, nokuda kwozvishamiso nozviratidzo zvizinji zvidoitiwa nonhumwa. 44Vatendi vese vanga vari pabodzi vaiti zvinhu zvese nzvedu tese. 45Vadotengesa pfuma yavo nozvinhu ndokuzvikovera kuno vese, umwe noumwe pakushaiwa kwache. 46Zuva rimwe norimwe, vaikumana muimba yaMwari vari pabodzi, vachikomora mazingwa mudzimba dzavo, vachija zvokuja zvavo nomufaro, nomwoyo udonaka, 47Vachirumbidza Mwari, vachidiwa novanhu vese, zuva rimwe norimwe Ishe adoingidzira vaiponesewa.
ទើបបានជ្រើសរើសហើយ៖
Mabasa yoNhumwa 2: KBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for The World International
