Yohana Uchogolelo
Uchogolelo
Uthenga umo walembedwela ni Yohana ni chimojhi cha vikalakala vinai va chipangano va chipano ivo vifotokoza umoyo wa Yesu Kilisito. Kila chimojhi cha vikalakala vimenevo chitanidwa “Injili” mate yake “Uthenga wabwino.” Vikalakala ivi vidalembedwa ni Matayo, Maluko, Luka ni Yohana pambuyo pa nyifa ya Yesu. Injili idalembedwela ni Yohana chaka cha tisiini pambuyo pa kubadwa kwa Yesu Kilisito. Ingakhale chikalakala ichi sichifotokoza kuti Yohana nde uyo wadalemba, mtundu olemba ulingana kupunda ni ujha uli mkalata za 1 Yohana, 2 Yohana, ni 3 Yohana. Olemba wina amfotokoza Yohana kuti wamakhala mmujhi wa Efeso pa nyengo imeneyo, chimwecho ikhozekana chikalakala ichi chidalembedwa ku Efeso.
Yohana wachula zene kuti chifuno cha chikalakala ichi ni kwaathangatila wandhu akhoze kukhulupilila kuti Yesu nde Kilisito, Mwana wa Mnungu uyo wali wa moyo, 20:31. Kwa kukhulupilila chimwecho tipata umoyo pa jhina lake. Chikalakala ichi chidalembedwa ndande ya osoma Achiyahudi ni anyiyao osati Ayahudi. Injili ya Yohana pamtundu wina yalekana ni Injili zinjake zijha zitatu. Yohana wachimikiza pa vijha vodabwicha wadavichita Yesu, ni siwadalembe vambili kuhusu mikambo ni vifani ivo wadavichocha Yesu. Matukio ina yofunika ni tukio la kubatizidwa ni kuesedwa kwa kwake kuphululu nayonjho siyadalembedwe mu Injili ino.
Yayo yalimo mchikalakala ichi
Yohana waiyamba Injili pa nghope 1:1, 18.
Ndiipo wadalemba nghani za vodabwicha vina ivo wadavichita Yesu 1:19, 12:50.
Pambuyo pa yameneyo wadafotokoza vindhu ivo vidachitika mu umoyo wa Yesu vidaapeleka nyifa yake ni kuhyuka, 13:1, 20:31.
Yohana wamaliza Injili pa nghope ya 21 niwafotokoza ndhawi imojhi Yesu yapo wadachokela wandhu pambuyo pakuhyuka kwake, ndiipo wafotokoza dala la kulemba chikalakala ichi.
ទើបបានជ្រើសរើសហើយ៖
Yohana Uchogolelo: NTNYBL2025
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Nyanja @The Word for The World International and Nyanja Language translation, 2025. All rights reserved.