Luka 4
4
Bangangila Yesu tuhetu
(Matayi 4:1-11; Maku 1:12-13)
1Yesu ukadu mowola sebi bo Nyinga Ulengela, ukadu uduadu ku Yadena Nyinga ukayi nandi huaa yi mu mbata, 2muka muangila diabolo tuhetu mitshila masandi anayi. Kadu udiadi, hakadika mitshilayi, okofu sala.
3Diabolu ukamuambila ne: “Mbe udi Muana wu Tshiambi, kudumuna mabu aa aduaka mitshima yi bidi.”
4 #
Dut 8:3. Neku Yesu uka mukundumuna ne: “Bakafunda ne: ‘Mutu kakadi biandi bo moyi anu bu bidi kayabi.’ ”
5Diabolu ukayi nandi kulu, uka muebeshi manyangu madiyi osu a ha buloba bo butshuami buawu. 6Neku ukamuambila ne: “Nayakuha ngudu ibo butshuami bu madiyi osu, bualu bakamanaha nabi, neku nahaha biami unananga. 7Mbe wa nashila binu hashi, na ya kuha biosuebi.”
8 #
Dut 6:13. Yesu uka mukudumuna: “Bakafunda mu mifundu yi tshishila ne: ‘Tshuamika Shashendi Tshiambi muanga, umuesela anu yeyi kayandi mudimu.’ ”
9Diabolu ukayi nandi mu Yelushalema, uka mubandishi kulu ku lutanda lu subu wu Tshiambi, uka muambila: “Mbe udi Muana wu Tshiambi tshiutshiuka umata hashi, 10bualu bakafunda mu mifundu yi tshishila: ‘Tshiambi uya kuambila bayakulu bandi, bu kukulama.’ 11#Misam 91:12.Bualu bunga, ‘Bayakutshuala mu makatshi abu bu ne dikasa diebi kadikumi ku tshihikidi*.’ ”
12 #
Dut 6:16. Neku Yesu uka mukudumuna ne: “Bakafunda ne: ‘Kuangidi Shashendi Tshiambi muanga webi kahetu.’ ”
13Hakamana Diabolu ku muangila tuhetu tuandi tosu, uka mushiyi ukayi bu kukundi tshitshietshi tshinga.
Yesu wabangishi mudimu mu Ngalela
(Matayi 4:12-17; Maku 1:14-15)
14Yesu ukahinga mu Ngalela mowola sebi bo ngudu Nyinga Ulengela. Musahu wandi ukaduduka mu mangandu osu. 15Yesu ukayishi mu Sunangonga neku batu bosu baka mutshuamika.
Bena Nasaleta babiabi Yesu
(Matayi 13:53-58; Maku 6:1-6)
16Yesu ukayi mu Nasaleta muka mutshuamikebu. Ukabuela mu Sunangonga mu mutshila wu dikishi wu bena Yuda ukaduebu balela ne sabatu bu mukadu tshibidilu tshiabu, ukamana bu kubala mukanda, 17neku, bakamuha mukanda wu mupolofeta Yeshayi. Haka ubululeyi, ukamona muaba ukadu mufunda ne:
18 #
Yesh 61:1-2. “Nyinga wu Shashendi udi hambidi hami,
bualu ukasungula, ukanela manyi bu kuambila batu batashi yi tshitu Musahu Ulengela.
Ukatuma bu kuambila badi mu buloku bu kutambuka kuabu.
bo batashi mona bu kumona kuabu,
Bu kusulula badi mu mutanda,
19Bukuambila batu mutshiyi
unakuebeshi Shashendi muengu wandi.”
20Neku Yesu ukashibika mukanda, uka uha balami, neku yeyi ukashakama. Bosu bakadu mu Sunangonga baka mutela holuaa. 21Neku ukabangashi kubambila ne: “Diyedi dikafundebu diadieshi lelewu, kunudi nuenu bafofu munatueyi.”
22Bosu bakebeshi diyangi diabu kudi Yesu neku bakakema bu meyi alengela akadueyi watueyi. Bakamba ne: “Yewu ka muana wu Yosefu bi?”
23Yesu ukabambila ne: Nuya nelela mikunda ne: ‘Ngangabuka diondohela kayebi!’ Nuya nambila kabidi tufofu biosu bihuesa mu Kapenuma, wu biesa kabidi haha, mu bula buebi. 24#Yo 4:44.Kunyima uka kumbashi: Nanuambiambila diyi di kokuakoku, kakuena mupolofeta udiebu muku tshuamika mu bula buabu kokokoo.
25 #
1 Nkol 17:1. Nanuafofueshi kabidi ne: “Mu Isalela mukadu babakashi bawela bandi mu tshitshietshi tshi Eliya hakadu fula kayiloki huaa mitshiyi isatu bo ngondu isambombu, hakabuela lukota lulema mu bula bosu. 26#1 Nkol 17:8-16.Kadi Tshiambi katuma Eliya kudi babakashi bawela bosu, anu kudi umu wu mu Salefata buloba bu Sidona. 27#2 Nkol 5:1-14.Mu Isalela mukadu biamu bena sudi bandi mu tshitshietshi tshi mupolofeta Elisha; kakuena nashi umu uku bosu ukondohebu anu Namana muena Suliya.”
28Bosu mu Sunangonga hakofuebu meyi awu bakowolangana bo samu. 29Baka bika, bakahata Yesu mu bula buabu, bakayi nandi huaa iku luhongu lukadu shila mukadieki bu lubuwu ku mutshu ku bula bu kumutuhikishi muamu mutshiu ditoku. 30Kadi Yesu ukadika mukakatshi muabu ukayi.
Mutu mukuatshibu kudi nyinga mubodu
(Maku 1:21-28)
31Neku Yesu ukayi mu Kapenuma, mala a mu Ngalela, neku uka balongeshi mu mutshila wu Sabatu. 32#Mat 7:28-29.Batu bosu bakakatamuka bu kuyishi kuandi, bualu ukatuatueyi yi ngudu yosu. 33Mu Sunangonga mukadu mutu muena muembi, ukabanga kuela mbila ikola. 34“Ah! watshieba netu kaye, Yesu muena Nasalete? Uhudu bu kutushimishe? Nalubuka malonga ne udi wu tshishila wu Tshiambi!”
35Yesu uka mubolokela ukamba ne: “Wedi holu neku tambuka munda mu mutuewu!” Nyinga mubodu uka mukumishi hashi mukakatshi mu batu neku ukatambuka kamuesela bubodu.
36Batu bosu bakakema, bakambilangana ne: “Aa yimeyi kayi anekue? Mutu yewu wambiambila nyinga mibodu mu kuyibolokela yi ngudu yosu, imuafofuela neku yatambuka!” 37Neku butshuami buandi buka duduka mu mangandu osu.
Yesu wandondoha bena mbabala bandi
(Matayi 8:14-17; Maku 1:29-34)
38Yesu ukatambuka mu Sunangonga ukabuela mu subu wu Simona. Mu kuandi wu Simona ukadu bo mbabala yi mubidi mudilu ukola, neku bakalomba Yesu ne wesa tshitu bu bualu buandi. 39Ukamukuata musangu umu wamueyemena, ukabolokela mubidi mudilu, ukatalala, ukabika ukabangishi ku bakuatshishi uka bondoha.
40Hakudiololu, bosu bakadu bo bena mbabala yi mishindu yosu bakadu nabu kudi Yesu. Ukateka batu bosu makatshi ukabondoha. 41Nyinga mibodu mindi ikatambuka munda mu batu yalela mbila ne: “Udi Kilisitu, muana wu Tshiambi!” Kadi Yesu uka ibolokela uka ihumbishi bua kayambidi batu, bualu ika mulubuka ne udi Kilisitu
Yesu wayishi mu Sunangonga yi mu Yudayi
(Maku 1:35-39)
42Hakatshi butshi, Yesu ukatambuka mu bula, neku ukayi mu muaba ukayandi bu kuhengama. Tshieya batu ukabangishi ku mutshieba; huaa hakaya mu sanganebu, bakatshieba kumu kodieshi bua katambuki. 43Kadi Yesu uka bambila: “Nadi bo tshikuambila batu banga Musahu Ulengela wu bu Shashendi bu Tshiambi, bualu kawuka tumileyi.”
44Neku ukatungunuka kuamba Musahu Ulengela mu Sunangonga yi mu Yudayi.
ទើបបានជ្រើសរើសហើយ៖
Luka 4: KBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
